અમદાવાદ-વડોદરા એક્સપ્રેસ વે પર એક મીની બસમાં આગ લાગી હતી.
વડોદરાથી અમદાવાદ જવાના એક્સપ્રેસ વે પર નડિયાદ નજીક એક મિની બસમાં આગ લાગી હતી.
અચાનક મીની બસમાં આગ લાગતા અફરાતફરી મચી ગઈ હતી.
આગની માહિતી મળતા જ નડિયાદ ફાયર બ્રિગેડની ટીમ અને એક્સપ્રેસ હાઈવે પેટ્રોલિંગની ટીમ ઘટના સ્થળે પહોંચી ગઈ હતી.
આગ લાગતાની સાથે જ એક્સપ્રેસ હાઈવે પેટ્રોલિંગ ટીમે થોડા સમય માટે વાહનોને રોકી દીધા હતા.
નડિયાદ ફાયર બ્રિગેડની ટીમે બસમાં લાગેલી આગને કાબુમાં લીધી હતી.
પરિવાર સુરતથી અમદાવાદ બેબી શાવર માટે જઈ રહ્યો હતો ત્યારે નડિયાદ નજીક આ ઘટના બની હતી.
મીની બસમાં એક જ પરિવારના પંદર લોકો મુસાફરી કરી રહ્યા હતા.
મીની બસમાં સવાર તમામ મુસાફરોનો આબાદ બચાવ થયો હતો.
આગમાં મીની બસ બળીને ખાખ થઈ ગઈ હતી.
મીની બસમાં શોર્ટ સર્કિટના કારણે આગ લાગી હોવાનું પ્રાથમિક અનુમાન છે.
Reporter: News Plus
