વડોદરા ખાતે પ્રધાનમંત્રીની 'ફીટ ઈન્ડીયા, ફીટ મીડિયા'ની ભાવના અંતર્ગત પત્રકારોની સઘન આરોગ્ય તપાસ વિવિધ પ્રકારના જરૂરી બ્લડ ટેસ્ટ,એકસરે અને ઈ .સી.જી.ને આવરી લઈને કરવામાં આવી હતી.
વહેલી સવારથી બપોર સુધી ચાલેલુ આ મીડિયા હેલ્થ ચેકઅપ સહયોગી સંસ્થા ગુજરાત રેડક્રોસની રાવપુરા વિસ્તારમાં આવેલી વડોદરા શાખા કચેરી ખાતે હાથ ધરવામાં આવ્યું હતું જેમાં તાલીમબદ્ધ ટીમે સેવાઓ આપી હતી.યાદ રહે રાજ્ય સરકારના દિશાનિર્દેશો હેઠળ માહિતી ખાતું રાજ્યના તમામ જિલ્લાઓમાં આ પ્રકારની મીડિયા આરોગ્ય સંભાળ શિબિરો યોજવાનું આયોજન કરી રહ્યું છે.રાજ્યના માહિતી નિયામક કે. એલ. બચાણી તેનું મોનીટરીંગ કરી રહ્યા છે.વડોદરા ખાતે આજરોજ ગુજરાત રેડ ક્રોસ અને માહિતી ખાતાના સંયુક્ત ઉપક્રમે પત્રકારો માટે યોજવામાં આવેલા હેલ્થ સ્ક્રનીંગ કાર્યક્રમ હેઠળ કંપ્લિટ બ્લડ કાઉન્ટ (લોહી ની ટકાવારી) અને બ્લડ ગ્રુપ, લીવર ફંકશન - sgpt બિલીરૂબિન, અલ્કલાઈન ફોસ્ફેટ ,sgot ( લીવર), કોલેસ્ટ્રોલ અને લિપિડ પ્રોફાઈલ સહિતના ટેસ્ટસ, કિડની ફંક્શન ટેસ્ટ, સાંધા અને હાડકા માટે યુરિક એસિડ અને કેલ્સિયમ, હોર્મોનલ ટેસ્ટ – થાયરોઈડ, વિટામિન બી ૧૨/ડી, ડાયાબીટીક માર્કર hba1c fbs અને ૫૦ થી વધુ ઉંમર માટે પ્રોસ્ટેટ અને ૩૫ વર્ષ કે તેથી વધુ ઉંમરના પુરુષો/ બહેનો માટેના ટેસ્ટ સહિતની સેવાઓ આપવામાં આવી હતી.
આ કેમ્પમાં વડોદરા ના ૫૧ પત્રકાર મિત્રો ભાગ લઇ આરોગ્ય તપાસનો લાભ લીધો હતો. આ અવસરે રેડક્રોસના ચેરમેન ડો. પ્રવીણ જોશીએ ગુજરાત રેડક્રોસ સોસાયટી દ્વારા થઈ રહેલા આરોગ્ય વિષયક સેવાઓ અને કાર્યો વિશે માહિતી આપતા જણાવ્યું હતું કે, રાજ્યમાં હાલ ૨૮ બ્લડ બેંક કાર્યરત છે. એક કલાકમાં બ્લડ ટેસ્ટનો રિપોર્ટ મળી જાય તે પ્રકારની વ્યવસ્થાઓ છે.વડોદરામાં રાવપુરા વિસ્તારમાં રેલવે પોલીસ પરેડ મેદાનની સામે રેડક્રોસ,વડોદરા કાર્યરત છે જ્યાં રાહત દરે વિવિધ આરોગ્ય તપાસની સેવાઓ આપવામાં આવે છે.
Reporter:
