નર્મદામાં ભાજપ અને આપની ટક્કર જોવા મળી હતી, ભરૂચ લોકસભા બેઠક પરના ભાજપના ઉમેદવાર મનસુખ વસાવાએ આપ ઉમેદવાર ચૈતર વસાવા સામે આકરા પ્રહાર કર્યા હતા. તેમણે કહ્યું કે, ચૈતર વસાવા ગદ્દાર છે અને તેનાથી કૂતરું તો શું બિલાડું પણ નથી ડરતું. સાથે જ વધુમાં જણાવ્યું હતું કે, કેજરીવાલ એન્ડ કંપની આદિવાસી વિરોધી છે તે જૂઠાણાં ફેલાવે છે.

ગુજરાતમાં હવે ભાજપ અને આમ આદમી પાર્ટી વચ્ચે જુબાની જંગ તેજ થયો છે. નર્મદાની એક સભામાં ભાજપના મનસુખ વસાવાએ આમ આદમીના ચૈતર વસાવા પર આકરા પ્રહારો કર્યા હતા. મનસુખ વસાવાએ કહ્યું કે, ચૈતર કહે છે કે અમે તેનાથી ડરીએ છીએ. ચૈતર તારાથી તો કૂતરું પણ નથી ડરતું ને કોઈ બિલાડી પણ નથી ડરતી ખોટી વાતો શું કરો છો. એમની પાસે ચૂંટણીમાં કોઈ મુદ્દો નથી એટલે એ મનસુખ વસાવાએ કામ નથી કર્યું ને ગાળો દે છે એવી ખોટી વાતો ફેલાવે છે. ભાઈ મનસુખ વસાવા એટલે બોલે છે કે કોઈ અધિકારી કામ ન કરે તો કહેવું તો પડે

આ લોકો પૈસાની માગણી કરે છે. ધમકાવવા અને પૈસા માગવાના ઓડિયો મારી પાસે છે. આવા લોકોને મોટા ન થવા દેવાય, મોટો થાય તો પૂરો કરી દેવો પડે, બાકી બહુ નડશે બધાને એટલું યાદ રાખજો. જ્યારે દીવો ઓલવાનો થાય ત્યારે ભડ ભડ બળવા માંડે

Reporter: News Plus