દિલ્હીના મુખ્યમંત્રી અરવિંદ કેજરીવાલના પત્ની સુનિતા કેજરીવાલે ભરૂચ લોકસભા બેઠક ઉપર ઇન્ડિયા ગઠબંધનના સંયુક્ત ઉમેદવાર આમ આદમી પાર્ટીના ચેતર વસાવાના સમર્થનમાં ડેડીયાપાડા ખાતે રોડ શો યોજી મતદારોને ભાજપની તાનાશાહીમાંથી દેશને મુક્ત કરાવવાની અપીલ કરી હતી.
ડેડીયાપાડામાં જન મેદનીને દિલ્હીના મુખ્યમંત્રી અરવિંદ કેજરીવાલના પત્ની સુનિતા કેજરીવાલે સંબોધતા જણાવ્યું હતું કે દિલ્હીના મુખ્યમંત્રી મારા પતિ અરવિંદ કેજરીવાલને જબરજસ્તીથી ભાજપની સરકારે જેલમાં ધકેલીયા છે. ચૈતર વસાવા અને તેમના પત્નીને પણ જેલમાં નાખ્યા હતા. તપાસ 10 વર્ષો સુધી ચાલશે તો શું દસ વર્ષ સુધી તેમને જેલમાં રખાશે? ભાજપ તાનાશાહી વાપરી કેજરીવાલ ખરા દેશભક્ત હોવા છતાં પણ તેમને જેલમાં ધકેલીયા હોવાનો આરોપ સુનિતા કેજરીવાલે સરકાર ઉપર લગાવ્યો હતો.ભાજપને ઘરભેગી કરવા ઉપસ્થિત જન મેદની ને તેઓ એ હાકલ કરી હતી.
ભરૂચ લોકસભા બેઠકના ઉમેદવાર ચૈતર વસાવા એ જણાવ્યું હતું કે, જ્યારે હું જેલમાં હતો ત્યારે દિલ્હીના મુખ્યમંત્રી અને આમ આદમી પાર્ટીના સંયોજક અરવિંદ કેજરીવાલ મને મળવા માટે રાજપીપળા ની જેલ મા આવ્યા હતા ત્યારે મને કહ્યું હતું કે ચેતર ભાઇ આપકો જીતાને હમ ખુદ આને વાલે હૈ, આજે તેઓ જેલમાં છે પણ તેઓ તેમનું વચન ભૂલ્યા નથી અને જેલમાં રહીને પણ તેમણે નર્મદા જિલ્લાના આદિવાસીઓની ચિંતા કરી પોતાના ધર્મ પત્ની સુનીતાબેન કેજરીવાલને ડેડીયાપાડા સુધી મોકલ્યા છે .
Reporter: News Plus
