તા:27-4-2024 નાં શનિવારે જગદ્ ગુરુ શ્રીમદ્દ વલ્લભાચાર્યશ્રી મહાપ્રભુજીનાં 547 માં અગમ્ પ્રાગટય ઉત્સવ નું આયોજન મૂળ દેવગઢબારીયાની વડોદરામાં રહેતી બહેનો દ્વારા સંચાલિત શ્રીજી મંડળ નાં સહયોગથી કરવામાં આવ્યું...આ ઉત્સવ નાં મુખ્ય મનોરથી એવા ડોલીબેન અંકુરકુમાર દલાલ દ્વારા કાર્તિકેય નગર,ગોત્રી રોડ ખાતેનાં એમનાં ઘર આંગણે જ ખૂબ સુંદર અને મનમોહક મંડપ સજાવટ કરીને ઠાકોરજીના ચિત્રને બિરાજમાન કરવામાં આવ્યા
આ ઉત્સવમાં શ્રીજી મંડળની બહેનો અને ડોલીબેન અંકુરકુમારનાં આમંત્રિતો સહિત અંદાજે 250 જેવા ભાવિક ભક્તોએ ઉત્સાહભેર ભાગ લીધો અને સમગ્ર વાતાવરણ શ્રી મહાપ્રુભુજીનાં ગુણગાન અને ભજનો થકી ભક્તિનાં રંગમાં રંગાઇ ગયું..બહેનોએ ગરબા કર્યા અને હિંચ લેવાનો લ્હાવો પણ લીધો.. ત્યારબાદ સૌ ભક્તોને પ્રસાદ સાથે પહેરામણી પણ ન્યોછાવર કરવામાં આવી.. અંતમાં સૌ ભાવિક ભક્તો એ મનોરથી દ્વારા રાખવામાં આવેલ મહાપ્રસાદી નો રસાસ્વાદ માણ્યો અને આવા સુંદર આયોજન બદલ એમણો આભાર પણ વ્યક્ત કર્યો!!કહી શકાય કે આ સમગ્ર ઉત્સવ ખૂબ જ હર્ષોલ્લાસ,આનંદમય અને ભક્તસભર વાતાવરણમાં સંપન્ન થયો.
Reporter: News Plus
