વડોદરા : શહેરના પોલિસ કમિશ્નર નરસિમ્હા કોમારની પ્રેરણાથી વડોદરા શહેર પોલીસ મુખ્ય મથક ખાતે ઈકો ફ્રેન્ડલી ગણેશજીની સ્થાપના પોલીસ લાઈનના બાળકો દ્વારા કરવામાં આવેલ છે.
જે અંતર્ગત પોલીસ પરીવાર દ્વારા રોજેરોજ વિવિધ કાર્યક્રમોનું આયોજન કરવામાં આવી રહેલ છે.જેમાં સુંદરકાંડ ના પાઠ, સત્ય નારાયણની કથા, રાસ ગરબા, ભજન કિર્તન ઉપરાંત બ્લડ ડોનેશન કેમ્પનું આયોજન કરવામાં આવેલ હતું.ગઈકાલે તા.15ના રોજ પવિત્રવનના પ્લાન્ટેશનનું આયોજન કરવામાં આવેલ હતું.
માનનીય પોલીસ કમિશનર નરસિમ્હા કોમાર એ પ્લાન્ટેશનની શુભ શરૂઆત કરાવેલ હતી અને પોલીસ અધિકારી,કર્મચારીઓ તેમજ પોલીસ લાઈનના બાળકો એ સાથે મળી મિયાવાકી પદ્ધતિ થી કુલ-133 છોડ નું વાવેતર કરવામાં આવ્યું હતું. આ પવિત્રવન માં છેલ્લા દિવસે ઈકો ફ્રેન્ડલી માટીની ગણેશજીની મૂર્તિ નું વિસર્જન થાય બાદ આ માટી ને પવિત્ર વનમાં વિસર્જિત કરવામાં આવનાર છે. આ રીતે લાઈનના બાળકો વ્રુક્ષોના જતન સાથે ભાવનાત્મક રીતે જોડાશે અને પર્યાવરણનું જતન કરવા વધુને વધુ પ્રોત્સાહિત થશે.
Reporter: admin
