નવી દિલ્હી : દેશની રાજધાનીમાં સોમવારે WHO દક્ષિણ પૂર્વ એશિયાના 77માં વાર્ષિક સત્રનું આયોજન કરવામાં આવ્યું હતું.
આ દરમિયાન ભારતના કેન્દ્રીય આરોગ્ય પ્રધાન જેપી નડ્ડા WHO ના દક્ષિણ પૂર્વ એશિયા ક્ષેત્રના પ્રમુખ તરીકે ચૂંટાયા હતા. આ દરમિયાન જેપી નડ્ડાએ પણ કાર્યક્રમને સંબોધિત કર્યો હતો.તેમણે કહ્યું કે ભારતની આરોગ્ય પ્રણાલી સમગ્ર આરોગ્ય કવરેજ હાંસલ કરવા માટે કેન્દ્ર સરકાર પ્રાથમિક આરોગ્ય સેવાઓ અને આવશ્યક સેવાઓને મજબૂત કરવા પર ભાર મુકીને સામાજિક સર્વ સમાવેશકતાનો અભિગમ અપનાવે છે.કેન્દ્રીય આરોગ્ય મંત્રીએ ભારતને ડિજિટલ સ્વાસ્થ્ય ક્ષેત્રે એક મોટો ઉભરતો દેશ ગણાવ્યો હતો. તેમણે એમ પણ કહ્યું કે આયુષ્માન ભારત ડિજિટલ મિશન, ઇ-સંજીવની, IHIP,સક્ષમ વગેરેને વિશ્વ આરોગ્ય સંસ્થા દ્વારા ટેકનિકલ અને નાણાકીય સહાય મળશે.
આયુષ્માન ભારતનો ઉલ્લેખ કરતા તેમણે કહ્યું કે આ યોજના 120 મિલિયનથી વધુ પરિવારોને આવરી લે છે. જેમાં હોસ્પિટલમાં દાખલ થવા પર પરિવાર દીઠ 6,000 ડોલરનો વાર્ષિક લાભ મળે છે.સિદ્ધિઓ પર પ્રકાશ પાડતા આરોગ્ય મંત્રીએ જણાવ્યું હતું કે પરંપરાગત દવાને પરંપરાગત દવા પદ્ધતિ સાથે સાંકળવાનો ભારતનો અનુભવ સર્વગ્રાહી આરોગ્ય સેવાઓ પ્રદાન કરવામાં મદદ કરી રહ્યો છે. જેનાથી નાગરિકોના શારીરિક અને માનસિક સ્વાસ્થ્યમાં સુધારો થાય છે.
Reporter:
