છોટા ઉદેપુર જિલ્લાના દેવળીયા પાસે ગત મોડી રાત્રે એક બાઈક અને બોલેરો વચ્ચે થયેલા અકસ્માતમાં બાઈક સવાર ત્રણ જણાંના મોત નીપજ્યા છે.

છોટા ઉદેપુર જિલ્લાના દેવલીયા પાસે ગત મોડી રાત્રે સંદીપ રાઠવા, નારસિંગ રાઠવા અને નટુભાઈ રાઠવા બાઈક લઈને જતા હતા. ત્યારે પાછળથી માંતેલા સાંઢની જેમ આવતી બોલેરોચાલકે બાઈકને અડફેટે લેતા બાઈક ઉપર સવાર સંદીપ રાઠવા ઉ.વ. 30, નારસિંગભાઇ રાઠવા ઉ.વ. 58 અને નટુભાઈ રાઠવા ઉ.વ.43ને હવામાં ફંગોળ્યા હતા. જેને કારણે ત્રણે જણાંને માથા અને શરીરના ભાગે ગંભીર ઈજાઓ થતાં બે જણાંના ઘટનાસ્થળે જ્યારે એક જણાંનું હોસ્પિટલ લઈ જતી વખતે રસ્તામાં મોત થયું છે. આ અંગે છોટા ઉદેપુર પોલીસે બોલેરોચાલક ઉપર અકસ્માતનો ગુનો નોંધી કાયદેસરની કાર્યવાહી હાથ ધરી છે.

દેવલીયા પાસે મોડી રાત્રે થયેલા અકસ્માતમાં બે લોકોએ ઘટનાસ્થળે જ્યારે એકએ હોસ્પિટલ લઈ જતા દમ તોડ્યો

Reporter: News Plus