પર્વત પાટિયા વિસ્તારમાં એક કારની નીચે બે બાળકો આવી ગયા હતા જો કે સદનસીબે બંને બાળકોનો બચાવ થયો હતો. આ સમગ્ર ઘટનાના સીસીટીવી ફૂટેજ પણ સામે આવ્યા છે.
કહેવત છે કે ને રામ રાખે તેને કોણ ચાખે.. આવી જ એક ઘટના સુરતમાં સામે આવી છે. મળતી માહિતી મુજબ સુરતના પર્વત પાટિયા ખાતે આવેલા રોયલ રેસીડેન્સીમાં બે બાળકો રમી રહ્યા હતા આ દરમ્યાન એક કાર ચાલક કાર શરુ કરીને જવા જતા ત્યાં રમી રહેલા બંને બાળકો કારની નીચે આવી ગયા હતા ત્યાં બુમાબુમ થતા કાર ચાલક કાર રોકી કારની બહાર નીકળ્યો હતો અને એક બાળકને કારની નીચેથી બહાર કાઢી લીધો હતો જે બાદ ત્યાં અન્ય એક મહિલા દોડી આવી હતી અને કાર નીચેથી નાના બાળકને બહાર કાઢ્યું હતું.
આ સમગ્ર ઘટના ત્યાં લાગેલા સીસીટીવી કેમેરામાં કેદ થઇ જવા પામી છે. આ સીસીટીવી ફૂટેજ હાલ વાયરલ થઇ રહ્યા છે મહત્વનું છે કે આ ઘટના બે દિવસ પહેલા ૨૭ તારીખના રોજ બની હતી. સોસાયટીમાં નાના બાળકો રમતા હોય છે ત્યારે આ પ્રકારની ઘટના લાલબતી સમાન છે. આ ઘટનામાં બંને બાળકોને આબાદ બચાવ થયો હતો.
Reporter: News Plus
