ઘોઘંબા તાલુકાના ગુણેશિયા ગામે રહેતા વિજયભાઈ પરમારની દીકરી કલ્પનાબેનના લગ્ન મૂળ કાલોલ તાલુકાના ભુખી ગામે રહેતા અલ્પેશભાઈ દિલીપસિંહ જાદવની સાથે થયા હતા જેમાં અંદાજે 24 વર્ષીય કલ્પનાબેન પોતાના પતિ અલ્પેશભાઈ અને પોતાના સાસુ સસરા સાથે છેલ્લા કેટલાય સમયથી હાલોલ તાલુકાના સાથરોટા ગામે આવેલ શાંતિકુંજ સોસાયટીમાં રહેતી હતી 

જેમાં આ બંને પતિ-પત્નીના દાંપત્ય જીવન દરમિયાન તેઓને એક પુત્ર ધ્રુવ (હાલમાં ઉંમર વર્ષ 02)નો જન્મ થયો હતો જેમાં હાલોલ ખાતે આવેલી એક ખાનગી કંપનીમાં નોકરી કરતો અને દારૂ પીવાની ટેવ ધરાવતો અલ્પેશ અવારનવાર પોતાની પત્ની કલ્પનાબેન સાથે ઝઘડો કરી તેઓની સાથે મારઝુડ કરી ત્રાસ ગુજારતો હતો જેમાં કલ્પના અવારનવાર પોતાના પિયર ચાલી જતા પિયરના લોકો તેનો ઘર સંસાર ન બગડે તેને લઈને મનાવી સમજાવી કલ્પનાબેનને પરત પોતાના સાસરે મોકલી આપતા હતા જેમાં છેલ્લા ત્રણ દિવસથી અલ્પેશના પરિવારમાં લગ્ન પ્રસંગ હોઈ તેઓ ભૂખી ગામે ગયા હતા જ્યાંથી તેઓ લગ્ન પ્રસંગમાં સાવલી જવાના હતા જેને લઈને કલ્પના ગઈકાલે પોતાના પતિ અલ્પેશ સાથે સાથરોટા આવી ગઈ હતી જ્યારે કલ્પનાના સાસુ સસરા સાવલી મુકામે લગ્ન પ્રસંગમાં ગયા હતા તે દરમિયાન સાથરોટા ગામે શાંતિકુંજ સોસાયટીમાં આવેલા પોતાના મકાનમાં આજે શુક્રવારે સવારે અંદાજે 8:00 વાગ્યાના સુમારે કોઈક કારણોસર અલ્પેશે પોતાની પત્ની કલ્પનાબેન સાથે ઝઘડો કરી ઉશ્કેરાટ અને આવેશમાં આવી કલ્પનાના માથે કોઈ બોથર્ડ પદાર્થનો ઘા મારી ગંભીર ઈજા પહોંચાડી તેમજ હિંસક સ્વરૂપ ધારણ કરી નિર્માન રીતે કલ્પનાનું ગળું દબાવી કલ્પનાની કરપીણ હત્યા કરી હતી 

જેમાં બનાવની હાલોલ રૂરલ પોલીસને થતા પોલીસની ટીમ ઘટના સ્થળે દોડી આવી ઝીણવટભરી તપાસ હાથ ધરી હતી જ્યારે બનાવ અંગેની જાણ અંદાજે 10:00 થી 11:00 વાગ્યાના સમયગાળા દરમિયાન કલ્પનાના માતા પિતા તેમજ કલ્પનાના સગા સંબંધીઓને થતા તમામ લોકો તાત્કાલિક સાથરોટા ગામે દોડી આવ્યા હતા જેમાં પોલીસે કલ્પનાના મૃતદેહને પોસ્ટમોર્ટમ માટે હાલોલની સરકારી હોસ્પિટલ ખાતે મોકલી આપી આજે સાંજે અંદાજે 6:00 વાગ્યાના સમયગાળા દરમિયાન કલ્પનાના મૃતદેહનું પેનલ પોસ્ટમોર્ટમ કરાવી તેઓના પરિવારજનોને સોંપ્યો હતો જ્યારે બનાવની જાણ થતા હાલોલ નાયબ પોલીસ અધિક્ષક વી.જે. રાઠોડ તેમજ પોલીસ ઇન્સ્પેક્ટર કે.એ.ચૌધરી તેમજ પોલીસ ઇન્સ્પેક્ટર આર.એ.જાડેજા સહિતનો પોલીસનો કાફલો સરકારી હોસ્પિટલ ખાતે દોડી આવ્યો હતો  અને પોલીસે તપાસ ધમધમા આવી હતી જેમાં કલ્પનાબેનની હત્યા સંદર્ભે હાલોલ રૂરલ પોલીસે પોલીસ ચોપડે કલ્પનાના પતિ અલ્પેશભાઈ દિલીપસિંહ જાદવ સામે હત્યાનો ગુનો નોધી આગળની કાયદાકીય કાર્યવાહી કરી તેને ઝડપી પાડવા માટેના ચક્રો ગતિમાન કર્યા હતા અને હત્યા સંદર્ભે વધુ તપાસ હાથ ધરી હોવાની માહિતી મેળવવા પામેલ છે.

Reporter: admin