વૈષ્ણવ ઇનાફેઈથ પુષ્ટિમાર્ગીય ઓર્ગેનાઈઝેશન દ્વારા ષષ્ઠ પીઠાધીશ્વર પરમ પૂજ્ય ગોસ્વામી 108 શ્રી દ્વારકેશલાલજી મહારાજશ્રીની પ્રેરણા અને માર્ગદર્શનથી વડોદરા શહેરના વિવિધ ઝોનમાં અનેકવિધ આધ્યાત્મિક ,શૈક્ષણિક અને સામાજિક પ્રવૃત્તિઓ થઈ રહી છે
જેમાં સમયાંતરે દરેક વિસ્તારમાં પુષ્ટિમાર્ગના નિર્ધારિત કરેલ વિષય ઉપર આપશ્રીના પ્રવચન નું આયોજન કરવામાં આવતું હોય છે એવું જ એક આયોજન વિપો ઇન્દ્રપુરી ઝોન દ્વારા વાઘોડિયા રોડ ઉપર આવેલ શ્રીનાથજી હવેલી ખાતે કરવામાં આવ્યું હતું. જેમાં પુષ્ટિમાર્ગમાં મર્યાદા પુરુષોત્તમ શ્રી રામનું સ્વરૂપ આ વિષય ઉપર આપશ્રીના મનનીય પ્રવચન થયા આપશ્રીએ જણાવ્યું કે મર્યાદા પુરુષોત્તમ શ્રીરામના જીવનમાંથી આપને આપનું જીવન કેવી રીતના જીવવું જોઈએ એની પ્રેરણા પ્રાપ્ત થાય છે સાથે સાથે પ્રભુમાં દ્રઢ પ્રેમ અને વિશ્વાસ હોય તો શબરીએ વર્ષોની તપસ્યા કર્યા પછી શ્રીરામને પ્રાપ્ત કર્યા આમ પુષ્ટિ માર્ગમાં પણ પ્રભુને પ્રાપ્ત કરવા માટેનો એક ઉત્તમ માર્ગ એ પ્રભુ પ્રત્યેનો પ્રેમ છે
આપના હૃદયના ભાવથી આપણે પ્રભુને રીઝવીશું તો પ્રભુ પ્રસન્ન થઈ ચોક્કસ આપણને દર્શન આપશે, સત્સંગમાં ખૂબજ મોટી સંખ્યામાં વિપો ઝોનના સભ્યો, સેન્ટ્રલ કમિટી તેમજ વાઘોડિયા રોડ વિસ્તારના વૈષ્ણવો ખૂબ જ મોટી સંખ્યામાં ઉપસ્થિત રહી આ સત્સંગ નો લાભ લઇ ધન્ય બન્યા. આપશ્રી આગામી તારીખ 15 થી પુનઃ હિંદુ ધર્મ અને પુષ્ટિ સંપ્રદાયના પ્રચાર અર્થે અમેરિકા અને કેનેડાના પ્રવાસે જઈ રહ્યા છે આપશ્રી ભારત દેશમાં જ નહીં પરંતુ વિશ્વના અનેક દેશોમાં નિવાસ કરતા વૈષ્ણવોને પુષ્ટિમાર્ગ નું સાચું જ્ઞાન મળે અને પ્રભુ સેવામાં રુચિ વધે એ માટે સતત પ્રવાસ કરી સત્સંગ સ્વાધ્યાય, વિવિધ મનોરથો ,પુષ્ટિમાર્ગીય શિબિરો ના આયોજન કરી વૈષ્ણવોને સાચું માર્ગદર્શન આપી રહ્યા છે.
Reporter: News Plus
