શહેરના વીઆઈપી રોડ ઉપ્પર આવેલી વૃંદાવન સોસાયટીના એક મકાનમાંથી તસ્કરો સોના ચાંદીના દાગીના તેમજ રોકડ મળી કુલ 4 લાખ ઉપરાંતની મત્તાની ચોરી કરી ફરાર થઇ ગયા હતા.
મળતી વિગતો અનુસાર વીઆઈપી રોડ ઉપર બ્રાઇટ સ્કૂલ પાછળ આવેલી વૃંદાવન સોસાયટીના મકાન નંબર 8 માં કિશનભાઇ શર્મા નિવૃત્તિનું જીવન ગુજારે છે. તેઓના મકાનમાં તસ્કરો ત્રાટક્યા હતા. અને મકાનની જાળીનો નકુચો તથા દરવાજાનુ ઇન્ટર લોક તોડી મકાનમાં પ્રવેશી બન્ને બેડરૂમમાં રાખેલ તિજોરીઓ તેમજ લાકડાનુ કબાટ તોડી કબાટ તથા તિજોરીમાં રાખેલા સોના દાગીના ઘરેણા તેમજ રોકડા રુપિયા મળી કુલ્લે રુપિયા4.22 લાખની મત્તાની ચોરી કરી તસ્કરો ફરાર થઇ ગયા હતા.
બનાવની જાણ મકાન માલિકને થતા જ તેઓએ હરણી પોલીસ મથકમાં જાણ કરી હતી. પોલીસે ઘટના સ્થળે જઈ ચકાસણી કરી હતી અને ડોગ સ્ક્વોડની પણ મદદ લેવામાં આવી હોવાનું જાણવા મળ્યું છે. બનાવ સંદર્ભે હરણી પોલીસે ગુનો નોંધી વધુ તપાસ હાથ ધરી છે.
Reporter: News Plus
