વડોદરા શહેરના રાજકીય મોરચે હાલ શોકનો માહોલ છવાઈ ગયો છે. કારણકે, વડોદરાના પૂર્વ ડેપ્યુટી મેયર અને કોંગ્રેસ નેતા ચિરાગ ઝવેરીનું હાર્ટ એટેકના કારણે અવસાન થયું છે. મિત્રો સાથે વિદેશ ફરવા ગયેલ કોંગ્રેસ નેતા ચિરાગ ઝવેરી રાતે સૂઈ ગયા અને પછી સવારે ઊઠ્યાં જ નહીં.
કોંગ્રેસના દિગ્ગજ નેતા અને પૂર્વ કાઉન્સિલર ચિરાગ ઝવેરીના નિધનના સમાચાર વાયુવેગે પ્રસરતાં રાજકીય મોરચે ઘેરા શોકની લાગણી પ્રવર્તી ગઈ છે. પાંચ દિવસ પહેલાં ચિરાગ ઝવેરી મિત્રો સાથે ફરવા માટે યુએસના પ્રવાસે ગયા હતા.જ્યાં નેધરલેન્ડ ફરી યુએસ પહોંચ્યા અને ત્યાં સાઉથ અમેરિકાના ટાપુ પર રોકાયા હતા.પરંતુ રાતે સૂઈ ગયા બાદ ચિરાગ ઝવેરી સવારે ઊઠ્યાં જ નહીં.
હૃદય રોગના હુમલાના કારણે કોંગ્રેસ નેતા ચિરાગ ઝવેરીનું નિધન થયું.યુએસના પ્રવાસે જતા પહેલા ચિરાગ ઝવેરીએ તેમના ઘરે મિત્રો સાથે મુલાકાત કરી હતી. સાથે જ એરપોર્ટ પર સંતોના આશીર્વાદ પણ લીધા હતા.પરંતુ હવે પૂર્વ ડેપ્યુટી મેયર તથા કોંગ્રેસ પક્ષના નેતા ચિરાગ ઝવેરીએ અમેરિકામાં અંતિમ શ્વાસ લીધા. ચિરાગ ઝવેરીના અચાનક મોતના સમાચારથી પરિવારજનો શોકમાં ગરકાવ થઇ ગયા છે. સાથે જ રાજકીય માહોલ પણ ગમગીન બન્યો છે.
Reporter: News Plus
