શહેરના રાવપુરા વિસ્તારમાં એક મસ્જિદમાં આગ લાગતા નાસભાગ મચી જવા પામી હતી આગ કયા કારણોસર લાગી છે તે જાણવા મળ્યું નથી પરંતુ આગના પગલે અફરા તફરીનો માહોલ જોવા મળ્યો હતો.
રાવપુરામાં આવેલી એક મસ્જિદમાં રાતે આગ ભભુકી ઊઠી હતી જોત જોતામાં આગ એટલી ફેલાઈ ગઈ હતી કે આસપાસના લોકોમાં ડરનો માહોલ જોવા મળ્યો હતો. લોકોમાં ભારે નાસભાગ મચી જવા પામી હતી સ્થાનિકોએ આ અંગેની જાણ ફાયર વિભાગને કરતા લશ્કરો તાત્કાલિક ઘટના સ્થળે દોડી આવ્યા હતા અને આગ ઉપર પાણીનો મારો ચલાવી કાબુ મેળવ્યો હતો. આગની ઘટનામાં કોઈને ઈજા કે જાનહાનિ થઈ નથી પરંતુ આગ ક્યા કારણોસર લાગી હતી તે હાલ સુધી જાણવા મળી શક્યું નથી.
.
.
Reporter:
