વડોદરાની ચાર વર્ષની ચેસ ખેલાડી અનન્યા ઐયરે એપ્રિલ 2025માં બેંગલુરુમાં યોજાયેલા પ્રતિષ્ઠિત "બેંગલુરુ ચેસ ઓપન" ટૂર્નામેન્ટમાં પોતાની અસાધારણ કુશળતા અને ઉમંગભર્યા ભવિષ્યના સંકેતો આપીને ચેસ જગતનું ધ્યાન પોતાના તરફ ખેંચ્યું છે. 

માત્ર ચાર વર્ષની ઉમરે, અનન્યાએ કેટેગરી C માં સ્પર્ધા કરી હતી અને સૌથી નાની ઉંમરની સ્પર્ધક હોવા છતાં સર્વત્ર પોતાની આગવી ઓળખ બનાવી હતી.પિતા ડૉ. આનંદ ઐયર, સ્વયં રાષ્ટ્રીય સ્તરના ચેસ ખેલાડી રહી ચૂક્યા છે, અને આજે તેમની દીકરી તેમનો વારસો ગૌરવભેર આગળ વધારી રહી છે. “અનન્યા બાળપણથી જ ચેસ બોર્ડ તરફ આકર્ષાયેલી હતી. જ્યારે હું રમતો હતો, ત્યારે તે આતુરતાથી નિહાળતી અને તરત જ મારી ચાલો સમજવા લાગી. એક દિવસ તે એમ જ બોલી ઉઠી —'હું પણ રમીશ!' અને ત્યાંથી તેની સફર શરૂ થઈ,”  ગર્વભેર પિતા એ જણાવ્યું.અનન્યા હવે માત્ર ચેસ રમતી નથી, પણ તે દરેક ચાલ સાથે પોતાનું ભવિષ્ય રચે છે. 3.5 વર્ષની ઉંમરે તેણે ચેસ રમવાનું આરંભ્યું અને અત્યાર સુધીમાં બે રાષ્ટ્રીય તથા એક આંતરરાષ્ટ્રીય ટૂર્નામેન્ટમાં ભાગ લઇ ચુકી છે. માત્ર ત્રણ ફૂટ ઉંચી આ નાની ખેલાડી પોતાના મેચ દરમિયાન બે ખુરશી ઉપર બેસીને ચેસબોર્ડ સુધી પહોંચતી હતી – પણ તેની દૃઢતા અને તેજસ્વી વિચારો તેને અન્ય કરતા ઊંચા સ્થાને મૂકે છે.બેંગલુરુ ચેસ ઓપન 2025 ટૂર્નામેન્ટમાં, જે કોરામંગલા ઇન્ડોર સ્ટેડિયમ ખાતે યોજાઈ હતી, ભારત સહિત 11 દેશોના 2000થી વધુ ખેલાડીઓએ ભાગ લીધો હતો. 

અનન્યાની રમતમાં નિપુણતા, નિખાલસતાથી હસવું અને બોર્ડ પરનો નિર્ભય અભિગમ એ દરેક નિરીક્ષક માટે આકર્ષણનું કેન્દ્ર બન્યું. તે જ્યારે ‘Grandmaster in Process’ લખેલા ટી-શર્ટમાં દેખાતી ત્યારે તમામ દર્શકો માટે તે આશાની એક ઝલક બની.અનન્યાની શિક્ષણયાત્રા વડોદરાની ઓક્સઝિલિયમ સ્કૂલમાં ચાલે છે. તે માત્ર શત્રંજમાં જ નહિ, પરંતુ ગીતગાન, ચિત્રકળા અને ભાષામાં પણ નિપુણ છે. તે અંગ્રેજી, ગુજરાતી, તમિલ અને હિન્દી સરળતાથી બોલી શકે છે – જાણે શબ્દો પણ એની ચાલની જેમ વિચારીને આવે છે.અત્યારે અનન્યા ચેસ કોચ અવની દોશી પાસેથી તાલીમ લે છે અને પોતાનું ધ્યાન સમગ્રપણે આ બૌદ્ધિક રમત પર કેન્દ્રિત રાખી રહી છે. પિતા તરફથી મળેલી પ્રેરણા અને માર્ગદર્શન સાથે તે એકદમ જુસ્સાવાળું ભવિષ્ય ગઢી રહી છે. ડૉ. ઐયર કહે છે, “મારું સ્વપ્ન છે કે અનન્ય સાત વર્ષની ઉમરે ગ્રાન્ડમાસ્ટર બને. એ માત્ર એક ખિતાબ નહીં, પણ અમારી સંયુક્ત મહેનત અને પ્રેમનું પરિણામ હશે.”અનન્યા ઐયર આજે માત્ર ચાર વર્ષની છે, પણ એની દૃઢતા, આત્મવિશ્વાસ અને કળાવિદ્યા સાથે ભવિષ્યના ચેસ વિશ્વમાં એક ગૌરવપૂર્ણ સ્થાન બનાવવાની તાકાત રાખે છે. પિતાની ચાલ હવે દીકરીના પંથ બની ગઈ છે—અને એ પંથ હવે વિશ્વસૂચક જીતોની દિશામાં આગળ વધી રહ્યો છે.

Reporter: admin