2040 સુધીમાં યુરોપમાં નવી ટ્રકોનું કાર્બન ઉત્સર્જન ઝીરો કરવાનું લક્ષ્ય
હાનોઇ : ચીનમાં ડિઝલ ટ્રકોનું સ્થાને વીજ સંચાલિત ટ્રકોનું ચલણ વધવાને કારણે દુનિયામાં પરંપરાગત બળતણની માંગ ઘટશે અને હવે ચીન યુરોપની બજારમાં તેની વીજ ટ્રકો વેચવા ઇચ્છતું હોઇ હેવી ટ્રાન્સપોર્ટનું ભાવિ બદલાઇ જશે. 

ચીનમાં વીજ ટ્રકો ખરીદવામાં સરકારી સહાય અપાતી હોઇ અને વીજ વાહનોને ચાર્જ કરવાનું ઇન્ફ્રાસ્ટ્રકચર તૈયાર હોઇ ચીનમાં ડિઝલ ટ્રકોનું સ્થાન વીજ ટ્રકો લઇ રહી છે જેના કારણે એક અંદાજ અનુસાર ચીનમાં દરરોજ દસ લાખ બેરલ ઓઇલની માંગ ઘટી છે. વીજ સંચાલિત પેસેન્જર કારની બજારમાં અગ્રણી ચીન હવે વીજ ટ્રકોની બજાર સર કરવાની નેમ ધરાવે છે.ચીનની વીજ સંચાલિત ટ્રકો અપનાવવાની ગતિ ચોંકાવનારી છે. ૨૦૨૦માં ચીનમાં તમામ  નવી ટ્રકો ડિઝલ પર ચાલતી હતી. ૨૦૨૫ના પ્રથમ છ મહિનામાં નવી ટ્રકોમાં બેટરી સંચાલિત ટ્રકોની ટકાવારી૨૨ ટકા જણાઇ છે. આ વર્ષે નવી ટ્રકોમાં વીજ ટ્રકોની ટકાવારી ૪૬ ટકાએ પહોંચશે. 

આધુનિક અર્થતંત્રોમાં ટ્રકોનું મહત્વ અનેરૂ છે. તેના કારણે ૨૦૧૯માં ત્રીજા ભાગનનું કાર્બન ઉત્સર્જન થાય છે. વીજ સંચાલિત ટ્રકોમાં બેટરી વજનદાર હોઇ તે ડિઝલ સંચાલિત ટ્રકોની સરખામણીમાં ઓછું માલ પરિવહન કરી શકે છે. દુનિયામાં યુએસ બાદ ચીનસૌથી મોટો ટ્રક કાફલો ધરાવે છે.  ૨૦૨૪માં નવી ટ્રકોના વેચાણમાં વીજ ટ્રકોનો હિસ્સો આઠ ટકા હતો તે ઓગસ્ટ ૨૦૨૫ સુધીમાં વધીને ૨૮ ટકા થઇ ગયો હતો. વીજ ટ્રકોના ભાવ ઘટવાને કારણે પાંચ મહિનાથી સતત એલએનજી ટ્રકોની સરખામણીમાં વીજ ટ્રકો વધારે વેચાઇ રહી છે. વીજ ટ્રકોની કિંમત ડિઝલ ટ્રકો કરતાં બમણી- ત્રણગણી છે અને એલએનજી સંચાલિત ટ્રકો કરતાં ૧૮ ટકા વધારે છે. ૨૦૨૪માં ચીનની સરકારે ટ્રકમાલિકો માટે ખાસ પ્રોત્સાહન યોજના જાહેર કરી હતી.

Reporter: admin