ચાઈલ્ડ પોર્નોગ્રાફી શબ્દની જગ્યાએ ચાઈલ્ડ સેક્સ્યુઅલી એબ્યુઝિવ એન્ડ એક્સપ્લોઈટિવ મટિરિયલ (CSAEM) લખીને POCSO એક્ટમાં બદલવાની સલાહ આપતી સુપ્રીમ
નવી દિલ્હી : સુપ્રીમ કોર્ટેઆજે સ્પષ્ટ કર્યું છે કે, ચાઇલ્ડ પોર્નોગ્રાફી જોવી અને રાખવી ગુનો છે. સુપ્રીમ કોર્ટે આ કેસમાં મદ્રાસ હાઈકોર્ટના ચુકાદાને પલટી નાખ્યો છે. સુપ્રીમ કોર્ટે કહ્યું કે ચાઈલ્ડ પોર્નોગ્રાફી સંબંધિત સામગ્રી ડાઉનલોડ કરવી અને રાખવી એ ગુનો છે.સુપ્રીમ કોર્ટે કહ્યું છે કે, કાયદેસર રીતે આવી સામગ્રી રાખવી એ પણ ગુનો છે. આ સાથે સુપ્રીમ કોર્ટે કેન્દ્ર સરકારને ચાઈલ્ડ પોર્નોગ્રાફી શબ્દની જગ્યાએ ચાઈલ્ડ સેક્સ્યુઅલી એબ્યુઝિવ એન્ડ એક્સપ્લોઈટિવ મટિરિયલ(CSAEM) લખીને POCSO એક્ટમાં બદલવાની સલાહ આપી છે.એનજીઓ જસ્ટ રાઈટ ફોર ચિલ્ડ્રન એલાયન્સની અરજી પર સુનાવણી કર્યા બાદ સુપ્રીમ કોર્ટે આ નિર્ણય લીધો છે. આ એનજીઓએ મદ્રાસ હાઈકોર્ટના નિર્ણય વિરુદ્ધ સુપ્રીમ કોર્ટમાં અરજી કરી હતી.
મદ્રાસ હાઈકોર્ટે ચાઈલ્ડ પોર્નોગ્રાફી ડાઉનલોડ કરવા અને જોવાને ગુનો ગણ્યો ન હતો.મદ્રાસ હાઈકોર્ટે કહ્યું હતું કે કોઈના અંગત ઈલેક્ટ્રોનિક ઉપકરણ પર ચાઈલ્ડ પોર્નોગ્રાફી ડાઉનલોડ કરવી અથવા જોવી એ ગુનો નથી. મદ્રાસ હાઈકોર્ટે તેને પોક્સો એક્ટ અને આઈટી એક્ટ હેઠળ ગુનો ગણ્યો નથી. મદ્રાસ હાઈકોર્ટે એક 28 વર્ષીય વ્યક્તિ સામે ફોજદારી કાર્યવાહીને રદ કરી દીધી હતી જેના પર તેના મોબાઈલ ફોન પર ચાઈલ્ડ પોર્નોગ્રાફિક સામગ્રી ડાઉનલોડ કરવાનો આરોપ હતો.મદ્રાસ હાઈકોર્ટના ચુકાદાને ગંભીર ભૂલ ગણાવી સુપ્રીમ કોર્ટની બેન્ચે ફોજદારી કાર્યવાહી પુનઃસ્થાપિત કરી હતી.જસ્ટિસ પારડીવાલાએ જણાવ્યું હતું કે POCSO ની કલમ 15 એ ત્રણ અલગ-અલગ ગુનાઓ માટે જોગવાઈ કરે છે જે કલમની પેટા-વિભાગોમાં ઉલ્લેખિત કર્યા મુજબ કોઈપણ બાળ અશ્લીલ સામગ્રી પ્રસારણ કે પ્રદર્શિત કરવાના ઈરાદા સાથે રાખવામાં આવે ત્યારે તેનો સંગ્રહ અથવા કબજો ગુનો બને છે.
Reporter: admin
