વડોદરા : શ્રાવણ માસ, હિંદુ ધર્મમાં અત્યંત પવિત્ર ગણાતો મહિનો, ભગવાન શિવની ભક્તિ અને આરાધના માટે વિશેષ મહત્વ ધરાવે છે. 

આ માસ દરમિયાન શિવભક્તો ભોળાનાથને રીઝવવા માટે વિવિધ પૂજા-અર્ચના, ઉપવાસ અને રુદ્રાભિષેક કરે છે. શ્રાવણ સોમવારનું મહત્વ તો અનેરું છે, જ્યારે શિવ મંદિરો ભક્તોની ભીડથી ઉભરાઈ જાય છે. આજે, વડોદરાના ઐતિહાસિક શ્રી કાશી વિશ્વેશ્વર મહાદેવ મંદિરમાં પણ કંઈક આવો જ દિવ્ય અને ભક્તિમય માહોલ જોવા મળ્યો.શ્રાવણ મહિનામાં શિવ પૂજાનું મહત્વ શાસ્ત્રોમાં પણ વર્ણવવામાં આવ્યું છે. 

માન્યતા છે કે આ માસમાં ભગવાન શિવ સ્વયં પૃથ્વી પર નિવાસ કરે છે અને ભક્તોની મનોકામનાઓ પૂર્ણ કરે છે. સવારથી જ શિવ મંદિરોમાં "હર હર મહાદેવ"ના નાદ ગુંજી ઉઠે છે. ભક્તો જળ, દૂધ, બીલપત્ર, ધતૂરો, આકડો અને પુષ્પો અર્પણ કરીને શિવલિંગની પૂજા કરે છે. આસ્થા અને શ્રદ્ધાનો આ અનેરો સંગમ શ્રાવણ માસને ખરેખર અદ્ભુત બનાવે છે.

Reporter: admin