નેશનલ હવામાન વિભાગ અનુસાર ચક્રવાત રેમલ આજે પશ્ચિમ બંગાળ પહોંચે તેવી શક્યતા છે. તેને ધ્યાનમાં રાખીને પૂર્વોત્તર ક્ષેત્ર અને બાંગ્લાદેશ માટે ચેતવણી જાહેર કરવામાં આવી છે. ચક્રવાત રેમલ બાંગ્લાદેશ અને પશ્ચિમ બંગાળના દરિયાકાંઠાના વિસ્તારોમાં અત્યંત ભારે વરસાદ અને પવન લાવશે. આંધ્ર પ્રદેશના પ્રાદેશિક હવામાન વિભાગના જણાવ્યા અનુસાર ડીપ ડિપ્રેશન ઉત્તર અને તેની નજીકના પૂર્વ-મધ્ય બંગાળની ખાડી પર ચક્રવાતી તોફાનમાં ફેરવાઈ ગયું છે.
હવામાન વિભાગે વધુમાં જણાવ્યું હતું કે,‘તે લગભગ ઉત્તર તરફ આગળ વધવાની અને 26 મેની સવાર સુધીમાં ઉત્તર-પશ્ચિમ અને તેની નજીકના ઉત્તરપૂર્વીય બંગાળની ખાડીમાં તીવ્ર ચક્રવાતી વાવાઝોડામાં પરિવર્તિત થવાની સંભાવના છે અને સાગર દ્વીપ અને ખેપુપારા વચ્ચેના વિસ્તારો પર છે પશ્ચિમ બંગાળના દરિયાકાંઠાને પાર કરે તેવી શક્યતા છે. જ્યારે 26 મી મેની મધ્યરાત્રિ સુધીમાં તે 110-120 થી 135 કિમી પ્રતિ કલાકની ઝડપે પવનની ઝડપ સાથે તીવ્ર ચક્રવાત વાવાઝોડામાં ફેરવાઈ જશે.પૂર્વ-મધ્ય બંગાળની ખાડી પરનું ડીપ ડિપ્રેશન છેલ્લા 6 કલાક દરમિયાન 12 કિમી પ્રતિ કલાકની ઝડપે લગભગ ઉત્તર તરફ આગળ વધ્યું છે.
ચક્રવાત રેમલ 25 મેના રોજ સાંજે 5.30 વાગ્યે ઉત્તર અને અડીને આવેલા પૂર્વ મધ્ય બંગાળની ખાડીની નજીક કેન્દ્રિત થયું. IMD ની આગાહી સૂચવે છે કે ચક્રવાત સતત મજબૂતી મેળવશે અનેક વિસ્તારોમાં ભારે પવન સાથે વરસાદ પડશે.દરમિયાન કોલકાતા એરપોર્ટ ઓથોરિટીએ શનિવારે રેમલ વાવાઝોડાને કારણે 21 કલાક માટે ફ્લાઇટ ઓપરેશન સ્થગિત કરવાની જાહેરાત કરી હતી. કોલકાતા સહિત પશ્ચિમ બંગાળના દરિયાકાંઠાના વિસ્તાર પર ચક્રવાત રેમલની અસરને ધ્યાનમાં રાખીને સંબંધિત એજન્સીઓ સાથે બેઠક યોજવામાં આવી હતી. 26 મેના રોજ સવારે 12 વાગ્યાથી (IST) 27 મેના રોજ સવારે 9 વાગ્યા સુધી ફ્લાઇટ ઓપરેશન સ્થગિત કરવાનો નિર્ણય લેવામાં આવ્યો છે. કોલકાતા એરપોર્ટ ઓથોરિટીએ એક નિવેદનમાં જણાવ્યું હતું કે, કોલકાતામાં ભારે પવન સાથે વરસાદ પડી શકે છે.
Reporter: News Plus
