લોકસભાની ચૂંટણી માટેનો ગરમાટો જામ્યો છે. અને તેને આરે હવે ગણતરીના દિવસો બાકી છે. આગામી સાતમી મે ના રોજ લોકસભાની ચૂંટણી માટે મતદાન પ્રક્રિયા હાથ ધરવામાં આવશે ત્યારે હાલમાં બંને મુખ્ય પક્ષો દ્વારા ચૂંટણી પ્રચારમાં કરવામાં આવી રહ્યો છે વડોદરા લોકસભા મત વિસ્તારના ભાજપના ઉમેદવાર ડો. હેમાંગ જોશી માટેનો પ્રચાર કરવા રાજ્યના મુખ્યપ્રધાન ભુપેન્દ્ર પટેલ વડોદરા આવશે જાણવા મળ્યા મુજબ રવિવાર તારીખ 21 એપ્રિલના રોજ સાંજે તેઓ સયાજીગંજ વિસ્તારમાં સભા ગજવશે હાલમાં તેઓના આગમનને પગલે ભાજપમાં તૈયારીઓ શરૂ કરી દેવામાં આવી છે અને બેઠકોનો દોર શરૂ થઈ ગયો છે. વડોદરા આમ તો ભારતીય જનતા પાર્ટીનો ગઢ માનવામાં આવે છે. ત્યારે રાજ્યના મુખ્યપ્રધાન ભુપેન્દ્ર પટેલ વડોદરા ખાતે આવી ભાજપના ઉમેદવાર માટે મત માગશે. ઉલ્લેખનીય છે કે મુખ્યપ્રધાન ભુપેન્દ્ર પટેલ સ્ટાર પ્રચારકોની યાદીમાં છે.
Reporter: News Plus
