બ્રહ્મસ્વરૂપ પ્રમુખસ્વામી મહારાજ પ્રેરિત તથા પ્રગટ બ્રહ્મસ્વરૂપ મહંત સ્વામી મહારાજ સંવર્ધિત અટલાદરા સ્થિત બી એ પી એસ વિદ્યામંદિર નો મુદ્રાલેખ છે શિક્ષણ માં નહીં સમાધાન સંસ્કાર નું નહીં પતન છેલ્લા ૧૯ વર્ષો થી કાર્યરત આ વિદ્યામંદિર ના સંચાલક મંડળ તથા શિક્ષકગણ ના અવિરત અને અથાક પ્રયત્નો ના પરિપાકરૂપે છેલ્લા ૧૫ વર્ષોથી આ શાળા નું ધોરણ ૧૦ તથા ધોરણ ૧૨ નું ઉચ્ચ પરિણામ પ્રાપ્ત થતું રહ્યું છે.
આ પરંપરા ને જાળવી રાખી આ વર્ષે પણ ધોરણ ૧૨ વિજ્ઞાન પ્રવાહ માં તથા ધોરણ ૧૨ સામાન્ય પ્રવાહ માં ૧૦૦ % પરિણામ પ્રાપ્ત કરેલ છે. ધોરણ ૧૦ માં પણ ૧૦૦% પરિણામ પ્રાપ્ત કરેલ છે ૮૭ માંથી તમામ ૮૭ વિદ્યાર્થીઓ ઉત્તીર્ણ થયા છે. જેમાંથી કુલ આઠ વિદ્યાર્થીઓ એ A1 ગ્રેડ મેળવેલ છે..ઉલ્લેખનીય છે કે આ તમામ વિદ્યાર્થીઓ એ નિયમિતપણે અભ્યાસ, શિક્ષકો નું સતત માર્ગદર્શન મેળવીને.. કોઈ પણ પ્રકારનાં ટ્યુશન વગર આવું ઝળહળતું પરિણામ પ્રાપ્ત કર્યું છે.
આજરોજ મંગળવારે સાંજે તમામ ૮૭ બાળકો તેમના વાલીઓ સાથે વિદ્યામંદિર પરિસરમાં એકત્રિત થયા હતા અને આ સફળતા નો શ્રેય શાળા ને અર્પણ કરી ગદગદિત થયા હતા. ઉલ્લેખનીય છે કે ૧૯ વર્ષોથી ફક્ત કુમારો માટે નું આ વિદ્યામંદિર નવા શૈક્ષણિક સત્રથી કન્યા ઓ માટે પણ શરૂ થવા જઈ રહ્યું છે
Reporter: News Plus
