મુંબઈ : NCP (અજીત પવાર)ના નેતા બાબા સિદ્દીકીની ધોળા દિવસે હત્યા થઈ છે.
બાબા સિદ્દીકી પર ફાયરિંગ કરાયું હતું. જેમાં તેમને છાતી અને પેટમાં બેથી ત્રણ ગોળી વાગી હતી. જ્યારબાદ ગંભીર હાલતમાં તેમને તાત્કાલિક લીલાવતી હોસ્પિટલ લઈ જવાયા હતા. જ્યાં તેેમનું સારવાર દરમિયાન મોત થયું છે. સિદ્દીકીના તેમના દીકરા જીશાન સિદ્દીકીની ઓફિસ ગયા હતા.
આ દરમિયાન અચાનક બાંદ્રા ખેરવાડી સિગ્નલ નજીક તેમના પર ફાયરિંગ થયું હતું.આ ઘટનામાં તાત્કાલિક કાર્યવાહી કરતા પોલીસે ત્રણ લોકોની ધરપકડ કરી લીધી છે. હાલ તેમની પૂછપરછ ચાલી રહી છે. બાંદ્રા ઈસ્ટમાં બાબા સિદ્દીકી પર ફાયરિંગની ઘટના બની છે, જે નિર્મલ નગર પોલીસ સ્ટેશન હેઠળની ઘટના ગણાવાય રહી છે. ઘટનાની માહિતી મળતાની સાથે જ મુંબઈ ક્રાઇમ બ્રાન્ચની ટીમો સ્પોટ પર પહોંચી ગઈ છે.
Reporter: admin
