વડોદરા : ઝારોલા ભવન ખાતે પ્રભુ કૃષ્ણને 11 પ્રકારના વૈવિધ્ય દ્રવ્યોનો કેશવ સ્નાનનો અનોખો ભક્તિમય કાર્યક્રમ યોજાયો હતો.

શહેરના પૂર્વ વિસ્તારના વૃંદાવન ચાર રસ્તા પાસે આવેલ ઝારોલા ભવન ખાતે વલ્લભ કુળના ગોસ્વામી‌ પૂ.  ગોપાલ લાલજી મહારાજ કામવન વડોદરા વાળાના સાંનિધ્યમાં પ્રભુ કૃષ્ણની કેશવ સ્નાન‌ અંગે વૈદિક મંત્રોચ્ચાર સાથેનો પૂજન અર્ચન અનોખો કાર્યક્રમ ભક્તિ સભર યોજાયો હતો.આ કાર્યક્રમમાં 70 થી વધુ લોકોએ પ્રભુ કૃષ્ણ 11 પ્રકારના વિવિધ દ્રવ્યો જેમાં કૃષ્ણ ઔષધી સ્નાન ,પંચામૃત કસ્તુરી સ્નાન ,સુવર્ણોઉદક સ્નાન, ઉધ્વતોક, ગભઑદક મેઘોદત, કેસર સ્નાન સર્વાષધિક,૬૮તીર્થ ,સપ્ત ધાન્ય11દ્રવ્યોનો સ્નાન મહિમાનું આયોજન ટીવી ફ્રેમ સીરીયલ કલ્યાણી ઠાકર, બ્રિજેશ જોષી, હરી સેવાના કમલેશ શાહ, સંગીતા દેસાઈ, જીતેન્દ્રભાઈ શુક્લા, વિવિધ વૈષ્ણવ સમાજના આગેવાનો વિદ્વાન વડે પ્રભુ કૃષ્ણની પૂજા વિધિ કરવામાં આવી હતી 

એટલું જ નહીં પ્રભુ કૃષ્ણના ધોળ,પદ કીર્તન ,ભારે રમઝટ પણ સંગીત કલાવૃંદના યુવા કલાકારો દ્વારા કરવામાં આવી હતી. આમ જન્માષ્ટમી પર્વના પૂર્વાર્ધમાં પ્રભુ કૃષ્ણના જીવન ચરિત્રમાં પ્રભુ કૃષ્ણને સ્નાન કેવી રીતે કરાય તેનું સુંદર માર્ગદર્શન જોવા મળ્યું હતું. શ્રદ્ધાળુઓએ‌ સમૂહમાં આરતી ઉતારવામાં આવી અને પ્રભુ કૃષ્ણને શણગારેલ હિંડોળામાં ઝુલાવીને પવિત્ર શ્રાવણ માસમાં ભક્તિમાં લીન થતા જોવા મળ્યા. પૂજ્ય ગોપાલ લાલજી મહારાજ સુંદર કાર્યક્રમ બદલ આયોજકોને મંત્રોચ્ચાર કાર્યક્રમમાં પૂજા વિધિ ઉપસ્થિત તમામને શુભમ ભવતુ કલ્યાણસ્તુ એમ‌ શુભ આશીર્વાદ પ્રદાન કર્યા હતા. ઝારોલા ભવન ગોકુલધામમાં ફેરવાયું હતું.

Reporter: admin