લોકસભાની ચૂંટણીના પરિણામો બાદ હવે કોની સરકાર બનશે અને NDA તેમજ INDI ગઠબંધનની બેઠકમાં શું નિર્ણય લેવામાં આવશે તેના ઉપર સહુની નજર છે. ત્યારે બે અલગ અલગ ગઠબંધનના વડા એક સાથે ફ્લાઈટમાં દિલ્હી પહોંચ્યા હતા. ત્યારે સહજ છે કે આ બંને વચ્ચે કઈંક ને કઈંક રાજ રમત રમાઈ હોઈ શકે છે.
લોકસભાના પરિણામ જાહેર થયા બાદ ઇન્ડિયા ગઠબંધન અને એનડીએ બંનેની આજે દિલ્હીમાં બેઠ કે યોજાશે. જેમાં આગામી સમયની રણનીતિ અંગે ચર્ચા વિચારણા કરવામાં આવશે. આમ તો એનડીએ પાસે સ્પષ્ટ બહુમતી જોવા મળી રહી છે પરંતુ જો જોડતોડની રાજનીતિ થાય તો એનડીએ પણ મુશ્કેલીમાં મુકાઈ શકે છે. ભાજપાને સ્પષ્ટ બહુમતી નથી મળી જેથી તેઓએ સાથી પક્ષોના સહારે જ સરકાર બનાવવાનો વારો આવશે. દરમિયાન વિપક્ષની નજર નીતીશ કુમાર ઉપર છે અને એને નાયબ પ્રધાનમંત્રી બનવાની ઓફર આપવામાં આવી હોવાની વાત પણ સામે આવી રહી છે. હાલમાં રાજકીય ચર્ચા એ ચાલી કે દિલ્હી ખાતે બે નેતાઓ નીતીશ કુમાર અને તેજસ્વી યાદવ પોટ પોતાની ગઠબંધનની બેઠકમાં ભાગ લેવા માટે જઈ રહ્યા હતા. આ બંને એક જ ફ્લાઇટ મારફતે દિલ્હી પહોંચ્યા હતા. જેથી ફ્લાઈટમાં બંને નેતાઓ વચ્ચે કઈ રાજકીય ખીચડી રંધાઈ હોવાનું પણ કેટલાક રાજકીય વિશ્લેષકો માની રહ્યા છે. ત્યારે આગામી સમયમાં શું થાય છે તે જોવું રહ્યું
Reporter: News Plus
