વાહન ચોરીના અન ડિટેક્ટ ગુનાઓ શોધતી ક્રાઈમ બ્રાન્ચે અસંખ્ય વાહન ચોરીના ગુનામાં સંડોવાયેલા વાહન ચોરની અટક કરતા આરોપીએ વધુ બે બાઈક ચોરી કર્યાની કબુલાત કરતા પોલીસે તેની ધરપકડ કરીને કાયદેસરની કાર્યવાહી હાથ ધરી છે.
શહેરમાં વાહન ચોરીના વધતા જતા બનાવો અને અનડિટેડ ગુનાઓ શોધવા માટે ક્રાઈમ બ્રાન્ચે વિવિધ વિસ્તારોમાં પેટ્રોલિંગ હાથ ધર્યું હતું. દરમિયાનમાં દાંડિયા બજાર ચાર રસ્તા પાસે પેટ્રોલિંગ કરતી પોલીસે શકના આધારે બાઈક સવારને રોકી ઘનિષ્ઠ પૂછપરછ કરતા ખાલીદ યુસુફભાઈ ગાજીયાવાલા (રહે, નાગરવાડા ચાર રસ્તા) એ બાઈક ચોરીની હોવાની કબુલાત કરી હતી. આ બાઈક તેને 15 દિવસ પહેલા અકોટા વિસ્તારમાંથી અને બીજી બાઈક તેને એસ.એસ.જી હોસ્પિટલમાંથી ચોરી કરી હોવાની કબુલાત કરી હતી.પોલીસની વધુ તપાસમાં આરોપી ખાલીદ ગાજીયાવાલા રીઢો વાહન ચોર છે.
તેને આ અગાઉ શહેરના જુદા જુદા વિસ્તારમાંથી 16 જેટલા વાહનોની ચોરી કર્યાની ફરિયાદો સંબંધિત પોલીસ મથકે નોંધાયેલ છે. વાહન ચોર ખાલીદ પાસેથી ક્રાઈમ બ્રાંચે વધુ બે ચોરીની બાઇક કબજે લઈને રાવપુરા પોલીસને સોંપ્યો હતો. રાવપુરા પોલીસે આરોપી સામે ગુનો નોધીને વધુ તપાસ હાથ ધરી છે.
Reporter: News Plus
