તાજેતરમાં છાણી પોલીસ સ્ટેશનમાં ચેઇન સ્નેચીંગનો અનડીટેકટ ગુનો નોંધાયેલ જેમાં ગઇ તા.૩૦/૦૩/૨૦૨૪ ના રોજ બે અજાણ્યા ઇસમોએ આ કામના ફરીયાદિબેનને છાણી શાક માર્કેટમા રોકી મારે સુરત જવુ છે તેમ જણાવી વાતોમાં ભોળવી નજીકમાં આવેલ સરકારી સ્કુલ પાસે લઇ જઈ મહિલાએ ગળામાં પહેરેલ સોનાની ચેઇન કિ.રૂ.૪૦,૦૦૦/- ની આંચકી લઇ જઈ નાશી જવા અંગેનો બનાવ બનેલ હતો.
પોલીસ કમિશ્નર અનુપમસિંધ ગહલીત તથા અધિક પોલીસ કમિશ્નર મનોજ નિનામા તરફથી મળેલ સુચના આધારે, ક્રાઇમ બ્રાન્ચના DCP યુવરાજસિંહ જાડેજા સાહેબ તથા ACP એચ.એ.રાઠોડ ના માર્ગદર્શન હેઠળ ક્રાઇમ બ્રાન્ચની ટીમો આ ચેઇન સ્નેચીંગના ગુનામાં સંડોવાયેલ ઇસમોને શોધી કાઢવાની કામગીરીમાં સતત કાર્યશીલ રહેલ.
ક્રાઇમ બ્રાન્ચના પોલીસ ઇન્સ્પેકટર આર.જી.જાડેજા તેમજ પોલીસ ઇન્સ્પેક્ટર એચ.ડી.તુવરનાઓની દોરવણી હેઠળ પો.સ.ઇન્સ. આર.એન.બારૈયાનાઓની ટીમના માણસોએ આ ચેઇન સ્નેચીંગના ગુનામાં સંડોવાયેલ ઇસમોની સી.સી.ટી.વી, ટેકનીકલ અને હ્યુમન સોર્સીસ આધારીત કરેલ તપાસ દરમ્યાન મેળવેલ માહિતી આધારે માંડવી સોની બજારમાંથી ઇસમ નામે પ્રકાશ શ્રવણભાઇ ડાભી રહે. કુબેરનગર છાપરા, માયા સિનેમા પાછળ નેહરૂનગર અમદાવાદને શોધી કાઢી તેની ઝડતી તપાસમા એક સોનાની ચેઇન મળી આવતા સદર ઇસમને તેની પાસેથી મળેલ સોનાની ચેઇનનુ બીલ કે પેપર્સ રજુ કરવા તેમજ આ સોનાની ચેઇનની માલીકી અંગે પુછપરછ કરતા સદર ઇસમ કોઇ સંતોષકારક જવાબ નહી આપતા સદરી ઇસમની સઘન પુછપરછ કરતા પોતે બીજા બે સાગરીતો સાથે ગઇ તા.૩૦/૦૩/૨૦૨૪ ના રોજ અમદાવાદ ખાતેથી ચેઇન સ્નેચીંગ કરવાના ઇરાદે મોટર સાયકલ ઉપર વડોદરા આવેલ જ્યા છાણી ગામ શાક માર્કેટમા એક વૃધ્ધ મહિલાને વાતોમાં ભોળવી નજીક આવેલ શાળા પાસે લઇ જઇ તેણે પહેરેલ સોનાની ચેઇન આંચકી ચોરી કરી નાશી ગયેલ હોવાની હકિકત જણાવતા. સદર ઈસમ પાસેથી મળેલ સોનાની ચેઇન કબ્જે કરી સદર ઇસમ સામે કાયદેસરની કાર્યવાહી કરી આગળની તપાસ માટે છાણી પો.સ્ટે.ને
સોંપવા કાર્યવાહી કરેલ છે.
Reporter:
