ભારત સરકારની બેટી બચાઓ બેટી પઢાઓ યોજના દ્વારા માન. જિલ્લા કલેક્ટરશ્રીના માર્ગદર્શન હેઠળ બેટી બચાઓ બેટી પઢાઓ સેલ અને જિલ્લા વહીવટીતંત્ર દ્વારા દીકરીઓમાં શિક્ષણ,સલામતી અને જાગૃતતા આવે એ હેતુસર વિવિધ કાર્યક્રમનું આયોજન કરવામાં આવ્યું હતું. 

આ કાર્યક્રમ ગોરજ મુની સેવાશ્રમ દ્વારા સંચાલિત એકલવ્ય વોકેશ્નલ ટ્રેનીગ સેન્ટર મગનપુરા ગામ ખાતે બેટો બચાવો બેટી પઢાવો યોજના અંતર્ગત સેમિનારનું આયોજન કરવામાં આવ્યું હતું. જેમાં મુખ્ય અર્જુનભાઈ પરમાર, વાઘોડિયા કોર્ટ એસોસિએશનના પ્રમુખ રાહુલભાઈ પટેલ, વાઘોડિયા કોર્ટ એસોસિએશનના ઉપપ્રમુખ શર્માબેન,પોલીસ વિભાગ વાઘોડિયા મહિમા વસાવા,૧૮૧ અભયમની મહિલા ટીમ,મહિલા કર્મયોગી સાથે જ અધિકારીઓ ઉપસ્થિત રહ્યા હતા.મહત્વનું છે કે,“સંકલ્પ” ડિસ્ટ્રિક્ટ હબ ફોર એમ્પાવમેન્ટ ઓફ વીમેનના ડિસ્ટ્રિક્ટ મિશન કોર્ડીનેટર દ્વારા મહિલાઓના  કાયદાઓ તેમજ અધિકારો વિષય ઉપર  માર્ગદર્શન આપવામાં આવ્યું હતું. 

આ ઉપરાંત ડો.પરિક્ષિત વાઘેલા,દહેજ પ્રતિબંધક અધિકારી દ્વારા ઘરેલું હિંસા અધિનિયમ -૨૦૦૫ કાયદા વિષે માર્ગદર્શન આપવામાં આવેલ હતું. આ સાથે મહિલા હેલ્પલાઇન ૧૮૧ વિષે માર્ગદર્શન પણ આપવામાં આવેલ હતું. તેમજ સાયબર સેફટી અને સોશિયલ મીડિયાના સલામત ઉપયોગ વિષે ખૂબ જ સરસ માર્ગદર્શન આપવામાં આવ્યું હતું.આ પ્રંસગે ડીસ્ટ્રીક હબ ફોર એમ્પાવમેન્ટના જેન્ડર સ્પેશિયલિસ્ટ દ્વારા મહિલા અને બાળ વિકાસ વિભાગની યોજના વિષે માહિતી આપવામાં આવી હતી. આ સાથે જ વોકેશન ટ્રેનીંગ સેન્ટરના આચાર્ય દ્વારા જીવન કુશળતા વિશેની માહિતી આપવામાં આવી હતી ત્યારબાદ કાર્યક્રમ સફળતા પૂર્વક પૂર્ણ થયો હતો.

Reporter: admin