ગુજરાતની કચ્છ બોર્ડર પરથી પાકિસ્તાની ઘૂસણખોર ઝડપાયો હોવાની માહિતી પ્રાપ્ત થઈ છે. જેમાં બીએસએફએ પેટ્રોલિંગ દરમિયાન પાકિસ્તાની નાગરિકને બોર્ડર પિલર નંબર 1125 નજીકથી ઝડપી પાડ્યો છે.
આ પાકિસ્તાની નાગરિક પાસેથી કોઇ શંકાસ્પદ ચીજ વસ્તુ કે હથિયાર નથી મળી આવ્યા એ રાહતની વાત છે. તેમજ તેણે કયા હેતુથી બોર્ડર ક્રોસ કરીને ભારતીય સરહદમાં પ્રવેશ કર્યો છે. તેમજ આ કામમાં તેની કોણે કોણે મદદ કરી છે તેની પૂછપરછ કરવામાં આવી રહી છે.આ અંગે મળતી વિગત અનુસાર બીએસએફ જવાનો પેટ્રોલિંગ કરી રહ્યા હતા.
ત્યારે વિઘાકોટ નજીકના બોર્ડર પિલર નંબર 1125 પાસેથી એક શખ્સ બોર્ડર ક્રોસ કરી રહ્યો હતો. આ બોર્ડર નજીક પાકિસ્તાનનું મીઠાઈ નામનું ગામ આવેલું છે. પ્રાથમિક પૂછપરછ દરમિયાન ઘૂસણખોર સિયાલકોટનો વતની હોવાનું સામે આવ્યું છે.
Reporter: News Plus
