એમજીવીસીએલના થાંભલા, ટ્રાન્સફોર્મર અને વાયર પર આગ લાગવાની ઘટના વધી રહી છે. આવો જ એક બનાવ સોમવારે રાત્રે 1-22 કલાકે આજવા રોડ પર ભાગ્યલક્ષ્મી ટાઉનશિપ પાસે બન્યો હતો. વીજ વાયર તૂટી પડતાં ફાયરબ્રિગેડે પહોંચી કામગીરી હાથ ધરી હતી.
જ્યારે મકરપુરા ઓએનજીસી સામે વિમલ સોસાયટી પાસે લાલ બંગલામાં મંગળવારે સવારે મીટરમાં શોર્ટ સર્કિટ થતાં દોડધામ મચી હતી. સવારે 9:15 વાગે બનેલી ઘટના અંગે ફાયરબ્રિગેડને રસિક પટેલે દ્વારા જાણ કરતાં ઘટના સ્થળે પહોંચેલા લાશ્કરોએ પહોંચી આગ વધુ પ્રસરે તે પહેલાં તેના પર કાબૂ મેળવ્યો હતો. જ્યારે અન્ય બનાવમાં જીઆઇડીસી શાક માર્કેટ પાસે શ્રીજી નગરમાં વરૂણ બારિયાના ઘરમાં સળગાવેલા દીવાથી આગ લાગતાં દોડધામ મચી હતી. દીવાથી લાગેલી આગમાં પડદો અને અન્ય સામાન ઝપટમાં આવ્યા હતા. જોકે આગ વધુ પ્રસરે તે પહેલાં જ તેને કાબૂમાં લેવામાં આવી હતી. તમામ બનાવમાં કોઈને ઈજા કે જાનહાનિ થઈ નથી
Reporter: News Plus
