વડોદરામાં અટલબ્રિજ પર રેતી ભરેલા નંબર પ્લેટ વગરના ડમ્પરે એક કારને અડફેટમાં લીધી હતી.
પ્રાપ્ત માહિતી અનુસાર હોનેસ્ટ ટ્રેડર્સ એન્ડ ટ્રાન્સપોર્ટનો ડમ્પર ચાલકે કાર ચાલકને અડફેટમાં લીધો હતો. કાર લઈને અમદાવાદથી વડોદરા આવતા સમયે અટલબિજ પરથી પસાર થતાં રેતી ભરેલ ડમ્પર સાથે અકસ્માત સર્જાયો હતો.આ અકસ્માતમાં કારમાં સવાર સિનિયર સિટીઝનને ઇજાઓ થઈ હતી.સદનસીબે કોઈ જાનહાની થઈ ન હતી. ડમ્પરે અકસ્માત સર્જાતા અટલબ્રિજ પર ટ્રાફિક જામના દ્રશ્યો સર્જાયા હતા.
108 એમ્બુલન્સ મારફતે ઇજાગ્રસ્તો ને સારવાર અર્થે હોસ્પિટલ ખાતે ખસેડવામાં આવ્યા છે.અટલ બ્રિજ પર અકસ્માતની જાણ પોલીસને થતાં અકસ્માતના સ્થળ પર દોડી આવ્યા હતા.આ ડમ્પર ચાલક અકસ્માત સર્જાતા ઘટના સ્થળ પરથી ભાગી જવાની પણ માહિતી મળી રહી છે.આ ડમ્પરમાં પણ કોઈ પણ પ્રકારની નંબર પ્લેટ જોવા મળી ન હતી.પોલીસ દ્વારા વધુ તપાસ હાથ ધરવામાં આવી છે.
Reporter: admin
