નવી દિલ્હી : કેન્દ્ર સરકાર આવતા મહિને સપ્ટેમ્બરમાં મોંઘવારી ભથ્થા (DA)માં 3 ટકા વધારાની જાહેરાત કરી શકે છે. ડીએમાં 3 ટકાના વધારા સાથે કુલ મોંઘવારી ભથ્થું 53 ટકા સુધી પહોંચી જશે.
કેન્દ્રીય કર્મચારીઓના ડીએમાં આ વધારો આવતા મહિને સપ્ટેમ્બરમાં થઈ શકે છે. સપ્ટેમ્બરમાં આ વધારાને કારણે જુલાઈ અને ઓગસ્ટના બે મહિનાનું એરિયર્સ પણ પગારમાં મળશે.DA અને DRમાં 3 ટકાનો વધારો સપ્ટેમ્બર 2024માં જાહેર થવાની સંભાવના છે, જે 1 જુલાઈ, 2024થી અમલી ગણવામાં આવશે. આ વધારો ડીએ 53 ટકા સુધી લઈ જશે. DA 50 ટકાથી વધુ હોય તો પણ તેને મૂળભૂત પગાર સાથે મર્જ કરવામાં આવશે નહીં. તેના બદલે, જો DA 50 ટકાને વટાવે છે, તો HRA સહિત અન્ય ભથ્થાંમાં વધારો કરવામાં આવશે.
માર્ચમાં જ્યારે DA વધીને 50 ટકા થયો ત્યારે સરકારે HRAમાં વધારો કર્યો હતો.DA સરકારી કર્મચારીઓને આપવામાં આવે છે, જ્યારે ડીઆર પેન્શનરોને આપવામાં આવે છે. ડીએ અને ડીઆરમાં વધારો વર્ષમાં બે વાર જાન્યુઆરી અને જુલાઈમાં લાગુ થાય છે. માર્ચ 2024માં સરકારે મોંઘવારી ભથ્થામાં 4 ટકાનો વધારો કરીને બેઝિક વેતનના 50 ટકા કર્યો હતો. આ સાથે મોંઘવારી રાહતમાં પણ 4 ટકાનો વધારો કરવામાં આવ્યો છે.
Reporter: admin
