રાજકોટની ગોઝારી ઘટનામાં મૃત્યુ પામેલા વ્યક્તિઓને વડોદરા શહેર જિલ્લા નિવૃત્ત પોલીસ અધિકારી, કર્મચારી મંડળ દ્વારા શ્રધ્ધાસુમન અર્પણ કરવાનો કાર્યક્રમ યોજવામાં આવ્યો હતો. ગાંધીનગર ગૃહ ખાતે અધિકારીઓ તેમજ કર્મચારીઓએ ઉપસ્થિત રહી શ્રદ્ધાંજલિ આપી હતી.
રાજકોટ ગેમઝોન ખાતે આગ લાગવાની ઘટનામાં કેટલાક લોકોના જીવ ગયા છે. કેટલાય લોકો જીવતા ભૂંજાઈ ગયા છે. ત્યારે વડોદરા શહેરના ગાંધીનગર ગૃહની બહાર વડોદરા શહેર જિલ્લા નિવૃત્ત પોલીસ અધિકારી , કર્મચારી એસોસિએશન દ્વારા રાજકોટ તેમજ દિલ્હીમાં બનેલી માનવસર્જિત ઘટનામાં મૃતકોને શ્રદ્ધાંજલિ આપવાનો કાર્યક્રમ રાખવામાં આવ્યો હતો.
આ કાર્યક્રમમાં નિવૃત્ત પોલીસ કર્મીઓ તેમજ અધિકારીઓ સાથે નિવૃત્ત મહિલાઓ ઉપસ્થિત રહ્યા હતા બે મિનિટ મૌન પાડી મૃતકોને શ્રદ્ધાંજલિ ગાંધીનગર ગૃહ ખાતે રાખવામાં આવી હતી
Reporter: News Plus
