દેહરાદૂન: ઉત્તરાખંડના પહાડી જિલ્લાઓમાં સતત પડી રહેલા ભારે વરસાદને કારણે જનજીવન પર ગંભીર અસર પડી છે. અનેક સ્થળોએ ભૂસ્ખલન થતાં રાષ્ટ્રીય ધોરીમાર્ગો સહિત અનેક માર્ગો બંધ થઈ ગયા છે. જેના કારણે કેટલાક વિસ્તારોનો જિલ્લા મુખ્યમથક તેમજ ચીન સરહદ સાથેનો સંપર્ક ખોરવાયો છે.
પિથોરાગઢ: રાતથી પડી રહેલા મુશળધાર વરસાદને કારણે ટનકપુર-તવાઘાટ હાઈવે અસકોટ અને જૌલજીબી વચ્ચે બગડીહાટ નજીક બંધ છે. એમ્બ્યુલન્સ સહિત અનેક વાહનો ફસાયા છે. ધાર્છુલા, બંગાપાની અને ડીડિહાટના અનેક વિસ્તારોનો જિલ્લા મુખ્યમથક સાથે સંપર્ક કપાયો છે. જિલ્લામાં 25 મોટર માર્ગ પણ બંધ છે, જ્યારે મુન્સિયારીમાં પીવાના પાણીની સપ્લાય સંપૂર્ણપણે ઠપ થઈ ગઈ છે.
બાગેશ્વર: સતત વરસાદના કારણે 21 માર્ગો પર વાહનવ્યવહાર ખોરવાયો છે. સરયૂ અને ગોમતી નદીમાં ભારે કાંપ આવતાં નળમાં ગંદુ પાણી આવી રહ્યું છે અને પીવાના પાણીની સમસ્યા વકરી છે.
ઋષિકેશ-બદરીનાથ હાઈવે: કૌડિયાલા અને વ્યાસી વચ્ચે પહાડ પરથી ભારે કાટમાળ પડતાં હાઈવે પર વાહનવ્યવહાર સંપૂર્ણપણે બંધ છે. બંને તરફ વાહનોની લાંબી કતારો લાગી છે.
Reporter: admin
