અમદાવાદ : શહેરના નહેરુનગરના ઝાંસીની રાણી BRTS બસ સ્ટેશન પાસે 10 ઓગસ્ટની મોડીરાતે ગંભીર અકસ્માત થયો હતો.
એક્ટિવા પર જઈ રહેલા અકરમ કુરેશી અને અશફાક અજમેરી નામના યુવકને બ્રેઝાએ પૂરપાટ ઝડપે ટક્કર મારી હતી, જેના કારણે એક્ટિવા ચાલક અને તેની પાછળ બેઠેલો યુવક 100 ફૂટ સુધી ફંગોળાયા હતા. અકસ્માતમાં બંને યુવકના મોત થયા છે. પોલીસે અકસ્માત મામલે ગુનો નોंધી તપાસ હાથ ધરી છે.બન્ને મિત્ર અશફાક અજમેરી (ઉં.વ.22 રહે જમાલપુર) અને તેના અક્રમ કુરેશી(ઉં.વ. 35 રહે જમાલપુર) એક્ટિવા(GJ01PX9355)માં નહેરુનગરથી શિવરંજની તરફ જઈ રહ્યા હતા ત્યારે રાતના 1.30 વાગ્યે મુખ્ય રસ્તા પરથી પસાર થઈ રહ્યા હતા ત્યારે બ્રેઝા(GJ27DM9702)એ એટલી જોરથી ટક્કર મારી કે એકટીવા બીઆરટીએસ રેલિંગમાં ઘુસી ગયું હતું.
જેમાં અક્રમ કુરેશીનું તો ઘટનાસ્થળે જ મોત થઈ ગયું હતું. જ્યારે અશફાક અજમેરીને સોલા સિવિલમાં ફરજ પરના ડોક્ટરે 5:20 વાગ્યે મૃત જાહેર કર્યો હતો. બન્નેના મૃતદેહ પોસ્ટમોર્ટમ અર્થે મોકલી આપવામાં આવ્યા હતા.આ બનાવની જાણ થતા N ડિવિઝન ટ્રાફિકની ટીમ સ્થળ પર પહોંચી હતી.પોલીસે આ મામલે બ્રેઝા કાર ચાલક વિરુદ્ધ ગુનો નોંધી તપાસ શરૂ કરી છે.હાલ બ્રેઝા કાર પણ પોલીસ દ્વારા કબજે કરવામાં આવી છે.અકસ્માતના સીસીટીવી ફૂટેજના આધારે પોલીસ દ્વારા તપાસ કરવામાં આવી રહી છે.
Reporter: admin
