ખંડવા : મધ્યપ્રદેશના ખંડવા જિલ્લામાં એક દુ:ખદ ઘટના બની છે. જિલ્લાના ડોંગરગાંવમાં બે વર્ષનો માસૂમ બાળક રમતા રમતા રેલવે ટ્રેક પર ટ્રેનની અડફેટે આવી ગયો હતો.
ટ્રેનની અડફેટે આવ્યા બાદ તેનું ધડ ટ્રેનથી કપાઈ ગયું હતું અને તેનું માથું એન્જિનમાં ફસાઈ ગયું હતું અને તે લગભગ 60 કિલોમીટર દૂર મહારાષ્ટ્ર ગયો હતો.પોલીસને દુ:ખદ ઘટનાની માહિતી મળતા જ તેમણે 6 કલાક સુધી માથું ની શોધખોળ કરી હતી. ત્યારબાદ મહારાષ્ટ્રના બગોરા સ્ટેશન પાસે માસૂમ બાળકનું માથું મળી આવ્યું હતું.આ સમગ્ર મામલો જિલ્લાના પંઢાણા પોલીસ સ્ટેશન વિસ્તારની બોરગાંવ ચોકીમાં આવતા ડોંગર ગાંવ ગામના ફળિયાનો છે. મુંબઈ દિલ્હી ટ્રેનનો રૂટ અહીંથી પસાર થાય છે. જણાવવામાં આવી રહ્યું છે કે અહીં રહેતા કાલુરામ બરેલાનો પુત્ર રામ બરેલા શનિવારે સવારે 11 વાગે ઘરના આંગણામાં રમી રહ્યો હતો. તે ક્યારે ટ્રેક પર ગયો તેની કોઈને ખબર ન પડી.
બાદમાં જ્યારે તેની શોધખોળ કરવામાં આવી ત્યારે તેનું ધડ રેલવે ટ્રેક પરથી મળી આવ્યું હતું.આ માહિતી તાત્કાલિક પોલીસને આપવામાં આવી હતી. પોલીસે ઘટના સ્થળે પહોંચીને માથાની શોધખોળ શરૂ કરી હતી. અહીં બોરગાંવ ચોકીના ઈન્ચાર્જ રામપ્રકાશ યાદવે આરપીએફની મદદ લઈને રેલ્વે ટ્રેક પર માથાની તપાસ હાથ ધરી હતી. રેલવે ટ્રેક પર 6 કલાકથી વધુની શોધખોળ બાદ મહારાષ્ટ્રના બઘોડા રેલવે સ્ટેશન નજીકથી માસૂમ બાળકનું માથું મળી આવ્યું હતું. ચોકીના ઈન્ચાર્જ રામપ્રસાદ યાદવે મૃતદેહનું પોસ્ટમોર્ટમ કરાવી પરિવારને સોંપી દીધું છે.બોરગાંવ ચોકીના ઈન્ચાર્જ રામ પ્રકાશ યાદવના જણાવ્યા અનુસાર, તેમને માહિતી મળી હતી કે એક માસૂમ બાળક ટ્રેનની અડફેટે આવી ગયું છે. તેનું ધડ પાટા પાસે પડેલું છે. પરંતુ તેનું માથું મળી શકતું નથી.
Reporter: admin
