દિલ્હી: લાલ કિલ્લા પાસે આત્મઘાતી હુમલો કરનાર આતંકવાદી ડૉ. ઉમરનો એક નવો વીડિયો સામે આવ્યો છે. મીડિયા રિપોર્ટ્સ અનુસાર, આતંકવાદીએ વિસ્ફોટ પહેલા આ વીડિયો શૂટ કર્યો હતો. તેમાં તે આત્મઘાતી હુમલાની ચર્ચા કરે છે.
આ વાતની પુષ્ટિ કરે છે કે તે અગાઉથી હુમલાનું આયોજન કરી રહ્યો હતો.VIDEOમાં ઉમર અંગ્રેજીમાં વાત કરી રહ્યો છે. તેણે કહ્યું- એક વાત જે સમજાતી નથી કે શહીદ થવા માટે ઓપરેશન (મોર્ટરડમ ઓપરેશન) છે, સુસાઇડ હુમલો નથી. તેને લઈને અનેક વિરોધાભાસ છે. જોકે, મોર્ટરડમ ઓપરેશન માટે માનવામાં આવે છે કે કોઈ વ્યક્તિ નિશ્ચિત રૂપથી કોઈ જગ્યા પર નિશ્ચિત સમય પર જીવ ગુમાવે છે.આ દરમિયાન હુમલાની તપાસમાં એક મહત્ત્વપૂર્ણ ખુલાસો થયો છે. NIA એ ખુલાસો કર્યો છે કે વ્હાઇટ-કોલર આતંકવાદી મોડ્યુલ શરૂઆતમાં ડ્રોન અને રોકેટનો ઉપયોગ કરીને હમાસ શૈલીનો હુમલો કરવાનો ઇરાદો ધરાવતો હતો. આ આયોજન 7 ઓક્ટોબર, 2023ના રોજ ઇઝરાયલ પર હમાસના હુમલા પર આધારિત હતું.
NIA ને આ માહિતી આત્મઘાતી બોમ્બર ડૉ. ઉમર-ઉન-નબીના અન્ય એક સહયોગી જસીર બિલાલ વાની ઉર્ફે દાનિશની ધરપકડ બાદ મળી હતી. દાનિશ જમ્મુ અને કાશ્મીરના અનંતનાગ જિલ્લાના કાઝીગુંડનો રહેવાસી છે. NIA એ ચાર દિવસ પહેલા શ્રીનગરથી તેની અટકાયત કરી હતી અને સોમવારે ઔપચારિક રીતે તેની ધરપકડ કરી હતી.NIA અનુસાર, દાનિશને નાના ડ્રોન હથિયારોના ઉત્પાદન અને સંશોધિત કરવાનો ટેકનિકલ અનુભવ છે. તેણે ડૉ. ઉમરને ટેકનિકલ સહાય પૂરી પાડી હતી અને આતંકવાદી હુમલાઓ કરવા માટે ડ્રોન અને રોકેટ વિકસાવવાનો પ્રયાસ કરી રહ્યો હતો. એજન્સીએ જણાવ્યું હતું કે દાનિશ ભીડવાળા વિસ્તારોમાં ડ્રોનથી બોમ્બ ફેંકવાની યોજના પર કામ કરી રહ્યો હતો જેથી મહત્તમ જાનહાનિ થાય.મીડિયા રિપોર્ટ્સ અનુસાર, તે મોટી બેટરી અને કેમેરાથી સજ્જ હેવી--ડ્યુટી ડ્રોન વિકસાવી રહ્યો હતો, જે ભારે વિસ્ફોટકો ઉપાડવામાં સક્ષમ હતા. NIA આ મોડ્યુલના બાકીના સભ્યો અને તેના ટેકનિકલ સપોર્ટ નેટવર્કને ઓળખવા માટે કામ કરી રહી છે. 10 નવેમ્બરના રોજ, હ્યુન્ડાઇ i20 કારમાં થયેલા બોમ્બ વિસ્ફોટમાં 15 લોકો માર્યા ગયા હતા અને 20 થી વધુ ઘાયલ થયા હતા.
Reporter: admin
