નવી દિલ્હી : ભારત આજે 78મો સ્વતંત્રતા દિવસની ઉજવણી થઇ રહી છે. પીએમ મોદીએ 11મી વખત લાલ કિલ્લા પર ધ્વજ ફરકાવ્યો હતો.વડા પ્રધાન મોદીએ કહ્યું કે આજે હું લાલ કિલ્લા પરથી તમારા બધાનો આભાર માનું છું. હું તમને ખાતરી આપું છું કે અમે નવા ઉત્સાહ સાથે આગળ વધવાના છીએ, શાંતિથી બેસી રહેવું એ અમારા સંસ્કારમાં નથી,
વિકાસને સાકાર કરીએ, આ અમારો સ્વભાવ છે. મારા દેશવાસીઓ, આજે નવી શિક્ષણ નીતિ ઘણા રાજ્યો દ્વારા વધુ સારી રીતે લાગુ કરવામાં આવી છે. શિક્ષણ નીતિ 21મી સદીને અનુરૂપ છે, વિકસિત ભારત માટે જે જરૂરી છે તે પૂર્ણ થશે.તેમણે કહ્યું કે હું નથી ઈચ્છતો કે દેશના યુવાનોને વિદેશમાં ભણવા માટે મજબૂર કરવામાં આવે. લાખો રૂપિયા ખર્ચીને બહાર ન જવું જોઈએ. ભાષાને કારણે દેશની પ્રતિભાને અટકાવી ન જોઈએ. ભાષામાં કોઈ અડચણ ન હોવી જોઈએ માતૃભાષાના આધારે પણ દેશના યુવાનો પોતાના સપના પૂરા કરી શકે છે.દર વર્ષે સ્વતંત્રતા દિવસ પર પીએમ મોદી તેમના પોશાક અને પાઘડીના કારણે ચર્ચામાં રહે છે. તેમની પાઘડી બાંધવાની શૈલી પણ સૌથી આકર્ષક છે. તેઓ તેમના પ્રથમ કાર્યકાળ (2014) થી તેમના ત્રીજા કાર્યકાળ (2024) સુધી દર વર્ષે અલગ પાઘડી પહેરતા જોવા મળે છે. ત્યારે આ વખતે પણ તેમની પાઘડીએ આકર્ષણ જમાવ્યું હતું.PM મોદીએ લહેરિયા પ્રિન્ટની પાઘડી પહેરી હતી.જે રાજસ્થાનની પરંપરાગત ડિઝાઇન છે. પીએમ મોદીએ લાલ કિલ્લા પરથી સંબોધન કરતી વખતે ઘણી વખત રાજસ્થાની પાઘડી પહેરી હતી. ગયા વર્ષે 2023માં પણ પીએમ મોદીએ રાજસ્થાની પાઘડી પહેરી હતી. ત્યારબાદ પીએમ મોદીએ મલ્ટી-કલર બાંધણી પ્રિન્ટવાળી રાજસ્થાની પાઘડી પહેરી હતી.સન 2014માં બીજેપી સત્તામાં આવી ત્યારથી દર વર્ષે સ્વતંત્રતા દિવસ પર પીએમ મોદીની પાઘડીની પસંદગી ભારતની સમૃદ્ધ વિવિધતા અને સંસ્કૃતિને દર્શાવે છે.
નારંગી રંગને ભગવાન રામનો પ્રિય રંગ માનવામાં આવે છે. આ કારણે તેમની પાઘડીને ભગવાન રામના રંગ સાથે જોડવામાં આવી રહી છે. ઉલ્લેખનીય છે કે આ વર્ષે 22 જાન્યુઆરીએ તેમણે અયોધ્યા રામ મંદિરની પ્રાણ પ્રતિષ્ઠા કરી હતી. રામલલાની પ્રતિમાનું અનાવરણ પણ કર્યું હતું. વડા પ્રધાન મોદીએ કહ્યું કે મધ્યમવર્ગીય પરિવારની અપેક્ષાઓ પૂરી કરવી દેશની જવાબદારી છે કે 2047 સુધીમાં સામાન્ય લોકોના જીવનમાં સરકારની દખલગીરી ઓછી થઈ જશે, અમે નાની-નાની જરૂરિયાતો પર પણ ધ્યાન આપીએ છીએ. ગરીબો માટેનો ચૂલો હોય કે મફત સારવાર, લાભ દરેક વ્યક્તિ સુધી પહોંચ્યો છે. જરૂરી વસ્તુઓ કોઈપણ જાતિના લોકો સુધી પહોંચી છે.તેમણે કહ્યું કે અમે દેશવાસીઓ માટે ઘણા કાયદાઓ નાબૂદ કર્યા છે. આજે અમે વાત કરી છે સ્વતંત્રતાના વારસા વિશે. અમે સદીઓથી ચાલતા ફોજદારી કાયદાઓને ભારતીય સંહિતા સાથે બદલી નાખ્યા છે. નાગરિકોને ન્યાય આપવા પર ભાર મૂકવામાં આવ્યો છે. જીવનની સરળતા સુધારવા પર ભાર મૂકવામાં આવ્યો છે.પીએમ મોદીએ કહ્યું કે આપણે આપણી તમામ તાકાત સાથે આગળ વધવું જોઈએ, આપણા સપનાને સાકાર કરતા રહેવું જોઈએ. સિદ્ધિઓને નજીકથી જુઓ, આપણે તે દિશામાં આગળ વધવું પડશે. કેવું મોટું પરિવર્તન આવ્યું છે. આપણી 10 કરોડ બહેનો વુમન સેલ્ફ ગ્રુપ સાથે જોડાયેલી છે. મને ગર્વ છે કે સામાન્ય ઘરની 10 કરોડ મહિલાઓ આર્થિક રીતે આત્મનિર્ભર બની રહી છે.
Reporter: admin
