નવી દિલ્હી: પૂર્વ વડાપ્રધાન મનમોહન સિંહનાં નિધન બાદ તેમના પાર્થિવ દેહને તેમના નિવાસસ્થાન પર રાખવામાં આવ્યો છે. જ્યાં રાજનેતાઓ તેમને શ્રદ્ધાંજલિ આપવા માટે પહોંચી રહ્યા છે. 

વડાપ્રધાન નરેન્દ્ર મોદી, અમિત શાહ, સોનિયા ગાંધી, રાહુલ ગાંધી સહિતનાં નેતાઓ તેમના નિવાસ સ્થાને પહોંચ્યા છે.વડાપ્રધાન નરેન્દ્ર મોદી પૂર્વ વડાપ્રધાન ડો.મનમોહન સિંહના નિવાસસ્થાને તેમને શ્રદ્ધાંજલિ આપવા પહોંચ્યા હતા. વડાપ્રધાન નરેન્દ્ર મોદીએ ડો.મનમોહન સિંહને તેમના નિવાસસ્થાને પહોંચીને શ્રદ્ધાંજલિ આપી હતી. 

પીએમ મોદીની સાથે કેન્દ્રીય ગૃહમંત્રી અમિત શાહ અને ભાજપ અધ્યક્ષ જેપી નડ્ડા પણ શ્રધ્ધાંજલી આપવા માટે પહોંચ્યા હતા.લોકસભામાં વિરોધ પક્ષનાં નેતા રાહુલ ગાંધીએ પણ પૂર્વ વડાપ્રધાન ડૉ. મનમોહન સિંહનાં નિવાસસ્થાન પર પહોંચી શ્રધ્ધાંજલી આપી છે. તે ઉપરાંત સોનિયા ગાંધી, પ્રિયંકા ગાંધી સાહિતનાં નેતાઓ તેમના નિવાસ સ્થાને પહોંચ્યા હતા.

Reporter: admin