ભારત સરકારે રાષ્ટ્રીય રમતગમત પુરસ્કાર 2025ની જાહેરાત કરી છે. અર્જુન પુરસ્કાર માટે 17 ખેલાડીઓની પસંદગી કરવામાં આવી છે. એથ્લેટિક્સથી લઈને બેડમિન્ટન, હોકી, ચેસ, શૂટિંગ અને કબડ્ડી સહિતની વિવિધ રમતોના ખેલાડીઓને અર્જુન પુરસ્કાર માટે પસંદ કરવામાં આવ્યા છે.
રમતગમત મંત્રાલયે પસંદગી સમિતિની ભલામણોના આધારે આ પુરસ્કારોની જાહેરાત કરી છે.
રાષ્ટ્રીય રમતગમત પુરસ્કારોની યાદી જાહેર
રાષ્ટ્રીય રમતગમત પુરસ્કાર 2025ની યાદી જાહેર કરતાં યુવા બાબતો અને રમતગમત મંત્રાલયે જણાવ્યું કે દર વર્ષે રમતગમતમાં અસાધારણ પ્રદર્શન કરનારા ખેલાડીઓ, કોચ અને સંસ્થાઓને આ પુરસ્કારોથી સન્માનિત કરવામાં આવે છે.
આ વર્ષે સુપ્રીમ કોર્ટના ભૂતપૂર્વ ન્યાયાધીશ જસ્ટિસ (નિવૃત્ત) અરુણ કુમાર મિશ્રાની અધ્યક્ષતાવાળી પસંદગી સમિતિએ પુરસ્કારો માટે નામોની ભલામણ કરી હતી.
Reporter: admin
