વડોદરા : સમસ્ત ખડાયતા સમાજ ટ્રસ્ટ પંડિત દિનદયાલ ઉપાધ્યાય ટાઉનહોલ ખાતે નંદ મહોત્સવ અને તેજસ્વી તલ્લાઓનો સન્માન સમારોહ યોજાયો હતો જેમાં શહેર ભાજપ અધ્યક્ષ એ મટકી ફોડી કાર્યક્રમનો શુભારંભ કરાવ્યો હતો.
સમગ્ર રાજ્યમાં વસતા સમસ્ત ખડાયતા સમાજ ટ્રસ્ટ ના સભ્યો અને વિવિધ એકડા ના સભ્ય એક ક્ષેત્ર નીચે આવે અને સમાજના ઉત્થાન માટે કાર્ય કરે તેવા ઉમદા આશય સાથે આજવા રોડ પંડિત દિનદયાલ ઉપાધ્યાય ટાઉનહોલ ખાતે ગત રાત્રે સમાજના સભ્યો માટે વિશેષ કાર્યક્રમ યોજાયો હતો. જે કાર્યક્રમમાં સૌ પ્રથમ નંદ મહોત્સવ અને ત્યારબાદ તેજસ્વી તારલાઓના સન્માન સમારંભ માં ઉપસ્થિત મહાનુભાવોના હસ્તે પ્રમાણપત્ર શિલ્ડ અને મોમેન્ટો આપી સન્માન કરવામાં આવ્યું હતું.
આ પ્રસંગે શહેર ભાજપ અધ્યક્ષ ડોક્ટર વિજય શાહે નંદ મહોત્સવમાં મટકી ફોડી કાર્યક્રમનો શુભારંભ કરાવ્યો હતો. આ ઉપરાંત નગર પ્રાથમિક શિક્ષણ સમિતિના અધ્યક્ષ નિષધ દેસાઈ, કાઉન્સિલર નૈતિક શાહ અને સમાજના પ્રમુખ કે ઓ શાહ સહિત મોટી સંખ્યામાં વિવિધ એકડાના પ્રમુખો પણ ઉપસ્થિત રહ્યા હતા. કાર્યક્રમમાં સમાજની બહેનો દ્વારા કૃષ્ણ જન્મોત્સવ રાસ ગરબા સહિતના વિવિધ કાર્યક્રમો રજૂ કરી ઉપસ્થિત અને મંત્રમુગ્ધ કર્યા હતા. અને અંતમાં 30થી વધુ તેજસ્વી તારલાઓનો સમાજના મોભીઓના હસ્તે સન્માન કરવામાં આવ્યું હતું.
Reporter:
