વડોદરા જિલ્લા પંચાયત દ્વારા 15માં નાણાં પંચ ના ગ્રાન્ટ માંથી ખરીદી કરવામાં આવેલી બે એમ્બ્યુલન્સ નું આજે લોકાર્પણ વડોદરા જિલ્લા પંચાયતના અધ્યક્ષ ગાયત્રીબા મહિડા ના હસ્તે કરવામાં આવ્યું હતું.
આ પ્રસંગે વડોદરા જિલ્લા વિકાસ અધિકારી મમતા હીરપરા, આરોગ્ય સમિતિના ચેરમેન નરેન્દ્ર રોહિત, જિલ્લા પંચાયતના પૂર્વ પ્રમુખ અશોક પટેલ સહિતના ચૂંટાયેલા પ્રતિનિધિ અને આરોગ્ય વિભાગના અધિકારીઓ ઉપસ્થિત રહ્યા હતા. કુમકુમ અક્ષત સાથે પૂજન કરી નાડીયેર વધેરી ને લીલી ઝંડી બતાવી બંને એમ્બ્યુલન્સ ને રવાના કરવામાં આવી હતી.
આ એમ્બ્યુલન્સો ના ઉપયોગ ખાસ કરીને સગર્ભા માતાઓ માટે કરવામાં આવશે તેમ જિલ્લા પંચાયત વડોદરા ના પ્રમુખ ગાયત્રીબા મહિડાએ જણાવી આ એમ્બ્યુલન્સ ની કિંમત અને તેની આરોગ્ય કેન્દ્ર પર ફાળવણી અંગેની વિગત મીડિયા સમક્ષ આપી હતી.
Reporter: News Plus
