છોટા ઉદેપુરના નવ નીર્વાચિત સાંસદ જશુભાઈ રાઠવાએ આજરોજ તેમના સન્માન સમારંભમાં પોતાની જાતને કાર્યકરોની જીત ગણાવી હતી અને કાર્યકરોની ફૂલથી સ્વાગત કરી આભાર વ્યક્ત કર્યો હતો.
છોટા ઉદેપુર લોકસભાના નવ નીર્વાચિત સાંસદ જશુભાઈ રાઠવાનો પાવી જેતપુર તાલુકા ભાજપ દ્વારા શ્રીમતી વી.આર.શાહ સાર્વજનિક હાઇસ્કુલ ખાતે સન્માન કાર્યક્રમ રાખવામાં આવ્યો હતો, આ કાર્યક્રમમાં નવ નીર્વાચિત સાંસદ જશુભાઈ રાઠવા, જીલ્લા ભાજપ પ્રમુખ ઉપેન્દ્ર રાઠવા, જેતપુર વિધાનસભાના ધારાસભ્ય જયંતિ રાઠવા સહિત ભાજપના આગેવાનો અને કાર્યકરો ઉપસ્થિત રહ્યા હતા અને સાંસદ જશુભાઈ રાઠવાનું ફૂલહારથી સ્વાગત કર્યું હતું. સામે જશુભાઈ રાઠવાએ પણ ઉપસ્થિત રહેલા કાર્યકરોનું ફૂલોથી સ્વાગત કરીને તમામ કાર્યકરોનો આભાર માન્યો હતો.
આજના સન્માન સમારંભમાં સાંસદ જશુભાઈ રાઠવાએ પોતાની જોત દેવતુલ્ય કાર્યકરોની જીત ગણાવી હતી. અને કહ્યું કે કાર્યકરોએ છોટા ઉદેપુર લોકસભાનું કમળ દિલ્હી મોકલ્યું છે. આ ઉપરાંત જશુભાઈ રાઠવાએ પોતાને કોઈપણ કામ માટે ૨૪ કલાક દરવાજા ખુલ્લા હોવાની જણાવી કહ્યું કે કોઈપણ વ્યક્તિ કોઈપણ કામ માટે મને સંકોચ વિના રાત્રે ૨ વાગ્યે પણ સંપર્ક કરી શકે છે. અને હું દરેકનો ફોન ઉપાડીને વાત કરીશ. આ કાર્યક્રમમાં જશુભાઈ રાઠવાએ પોતાના મતદારો માટે પણ પોતાની કટિબદ્ધતા દર્શાવી હતી અને કહ્યું કે કોઈપણ વ્યક્તિને કોઈપણ કચેરીમાં ધક્કા ખાવા પડે અથવા અપમાન શજન કરવું પડે તે હુ નહી ચલાવી લઉં કહીને અધિકારીઓને પણ જનતાના કામ ધક્કા ખવડાવ્યા વિના કરવા માટે જાહેર મંચ પરથી ચીમકી આપી હતી.
આમ આજ રોજ પાવી જેતપુરની શ્રી મતી વી.આર.શાહ સાર્વજનિક હાઇસ્કુલ હોલમાં સાંસદ જશુભાઈ રાઠવાનું તાલુકાના કાર્યકરો દ્વારા ભવ્ય સ્વાગત કરવામાં આવ્યું હતું.
Reporter: News Plus
