સ્વચ્છતા હી સેવા અભિયાન અંતર્ગત આજે વડોદરા જિલ્લામાં સ્વચ્છ કલા પ્રતિયોગિતા થીમ કાર્યક્રમ યોજવામાં આવ્યા હતા. 

સ્વચ્છ કલા પ્રતિયોગિતામાં શાળાઓમાં વેસ્ટ ટુ આર્ટ અંતર્ગત વિવિધ પ્રવૃત્તિઓનું આયોજન કરવામાં આવ્યું હતું. વડોદરા જિલ્લાના કરજણ નગરમાં અને ડભોઇ તાલુકામાં ફરતિકુઈ ગામ ખાતે શાળાના વિદ્યાર્થીઓ દ્વારા ગાંધી જયંતિને ધ્યાનમાં રાખીને ગાંધીજીની પ્રતિમા તથા તેની આસપાસની જગ્યાએ સફાઈ કરવામાં આવી હતી. સાથે શાળાના બાળકો દ્વારા સ્વચ્છતાનો સંદેશ આપતા પોસ્ટર રજૂ કરવામાં આવ્યા હતાં.

પાદરા તાલુકાનાં મુવાલ અને વડોદરા તાલુકામાં કેલનપુર, હંસાપુરા અને મહાપુરામાં વેસ્ટ ટુ આર્ટ અંતર્ગત શાળાના વિદ્યાર્થીઓ દ્વારા ચિત્ર સ્પર્ધા અને વેસ્ટ માંથી બેસ્ટ સ્પર્ધા કરવામાં આવી હતી. વધુમાં શિનોરના માલસર અને સાવલી નગર ખાતે વૃક્ષારોપણ તથા સ્વચ્છતા કરવામાં આવી હતી.સ્વચ્છતા હી સેવા અભિયાન પૂર્ણતાના આરે છે ત્યારે આ જનભાગીદારીનું આ અભિયાન દરેક એ વ્યક્તિને સમર્પિત છે જેને સ્વચ્છતા માટે શ્રમદાન અને વિવિધ પ્રવૃતિઓમાં જોડાઈ ને અભિયાનને સફળ બનાવવામાં મદદરૂપ થાય છે.

Reporter: admin