ચકચારી UGC NET પેપર લીક કેસમાં ચાલી રહેલી તપાસમાં મોટો ઘટસ્ફોટ થયો છે. UGC NET કેસની તપાસમાં જાણવામાં આવ્યું છે કે જપ્ત કરાયેલા 9 મોબાઈલ ફોનનો ટેલિગ્રામ એપનો ડેટા ડિલીટ કરવામાં આવ્યો છે.
જ્યારે પેપર લીકના સમાચાર બાદ નેટની પરીક્ષા રદ કરવામાં આવી ત્યારે જપ્ત કરાયેલા કુલ 9 મોબાઈલ ફોનમાંથી ડેટા ડિલીટ કરવામાં આવ્યો હોવાનું જાણવા મળ્યું હતું. તપાસમાં જાણવા મળ્યું છે કે પેપર ડાર્ક નેટ પર વેચવામાં આવતું હતું.પ્રાપ્ત માહિતી અનુસાર ડેટા મેળવવા માટે CFSL ની મદદ લેવામાં આવી રહી છે. આજે, CBI દ્વારા પૂછપરછ માટે બોલાવવામાં આવેલા કુશીનગરના વિદ્યાર્થી નિખિલને 6 કલાક સુધી પૂછપરછ કર્યા બાદ છોડી દેવામાં આવ્યો હતો. મળતી માહિતી મુજબ, તેને ફરીથી પૂછપરછ માટે બોલાવવામાં આવી શકે છે. તપાસમાં એ વાતની પણ પુષ્ટિ થઈ હતી કે પેપર ડાર્ક નેટ દ્વારા વેચવામાં આવી રહ્યું હતું.ઓએસિસ સ્કૂલના મેનેજરે જણાવ્યું હતું કે પરીક્ષા પહેલા પ્રશ્નપત્ર કાઢવા માટે જે બોક્સ ખોલવું પડતું હતું તેમાં લાગેલું ડિજિટલ લોક તે દિવસે કામ કરતું ન હતું.
વાસ્તવમાં તેમાં બે તાળા લગાવેલા છે. 1.15 વાગ્યે બીપ વાગે કે તરત જ બોક્સ ખુલે છે. પણ એ દિવસે એવો કોઈ અવાજ ન આવ્યો. નિરીક્ષકે NTA ને જાણ કરી. NTA એ કહ્યું કે એવું લાગે છે કે ટેક્નિકલ સમસ્યાને કારણે અવાજ સંભળાયો નથી. ત્યારબાદ તેને કટર વડે કાપવાનું કહેવામાં આવ્યું. ત્યારપછી તેમાં લગાવેલ ડિજિટલ લોકને કટર વડે કાપવામાં આવ્યું, ત્યારબાદ પ્રશ્નપત્ર બહાર કાઢવામાં આવ્યું હતું.CBI એ શિક્ષણ મંત્રાલયની ફરિયાદ પર NEET પરીક્ષા પેપર લીક કેસની તપાસ શરૂ કરી છે. CBI એ આ કેસ અંગે IPC કલમ 420 (છેતરપિંડી), 406 (વિશ્વાસનો ભંગ) અને 120બી (ગુનાહિત કાવતરું) હેઠળ FIR નોંધી છે. CBI બિહાર પોલીસ પાસેથી તેના કેસની તપાસ રિપોર્ટ પણ માંગશે.
Reporter: News Plus
