વાઘોડિયા તાલુકામાં વિવિધ બે જગ્યાએ માર્ગ અકસ્માતના બનેલા બનાવો પૈકી બેના મોત નીપજ્યા છે પાદરીયાપુરા પાસે થ્રી વ્હિલ ટેમ્પા સાથે બાઈકનો અકસ્માત થતાં બાઈક ચાલકનું ધટના સ્થળે મોત નિપજયું હતું.
જયારે વાઘોડિયા કમલાપુરા બસસ્ટેન્ડ પાસે રોડક્રોસ કરી રહેલા આઘેડને બાઈક સવારે અડફેટે લેતા આઘેડનુ સારવાર દરમ્યાન મોત નિપજ્યુ હતુ.વાઘોડીયાના વડીયાપુરા ગામે રહેતો મયુર સુરેશભાઈ વસાવા ઉ.21 યામાહા કંપનીની મોટર સાયકલ લઈને વાઘોડિયાથી વડિયપુરા ગામે જતા સાંજના સવા ત્રણ વાગ્યાની આસપાસ પાદરીયાપુરા ગામ પાસે થ્રી વ્હીલ ટેમ્પાએ અડફેટે લેતા અકસ્માતમા બાઈક ચાલાક મયુર સુરેશભાઈ વસાવાને મોઢાના ભાગે, છાતીના ભાગે ગંભીર ઈજાઓ થતા સ્થળ પર મોત નિપજયું હતું. થ્રી વ્હીલ ટેમ્પો સ્થળ ઉપર છોડી ટેમ્પા ચાલાક નાશી છૂટ્યો હતો.
દરેક બીજા બનાવમાં કમલાપુરા બસ સ્ટેન્ડ થી દૂધ લઈ પરત ફરતા આધેડને રાતે સવા આઠ વાગ્યાની આસપાસ એસ્પાઈન કંપનીનીના ગેટ સામે દતપુરા નાકા પાસે વડોદરા તરફથી પૂરપાટ ઝડપે બાઈક હંકારી આવતા હીરો કંપનીની મોટરસાયકલ ચાલકે આધેડને અડફેટે લેતા આધેડને માથા તથા પગના ભાગે ગંભીર પ્રકારની ઇજાઓ થવા પામી હતી અકસ્માતમા બાઈક સવાર પણ રોડ પર પટકાયો હતો. બંને ઘાયલોને પારુલ હોસ્પિટલમાં સારવાર અર્થે ખસેડ્યા હતા જ્યાંથી વધુ સારવાર માટે આધેડ વિનય સતીશ દત્તા (45) UP નાઓ હાલ રહે. એસ્પાઈન કંપની દત્તપુરા, વાઘોડિયાને વધુ સારવાર માટે એસએસજી હોસ્પિટલમાં ખસેડતા સારવાર દરમિયાન મોત નીપજ્યું હતું આમ વાઘોડિયા તાલુકામાં છેલ્લા 24 કલાકમાં બે વિવિધ માર્ગ અકસ્માતમાં બેના મોતની નિપજ્યા હતા.
Reporter: admin
