વડોદરા : શહેરમાં રહેતો રોનીત રાજેશ જોશી કે જે 8 વર્લ્ડ રેકોર્ડસ ધરાવે છે, તેણે પોતાના ઘેર ગણેશજીની સ્થાપના કરી હતી.
આજે તા.17 સપ્ટેમ્બર, મંગળવાર, રોનીત જોશીએ પોતાના પરિવાર અને મિત્રો સાથે ગણેશજીનું વિસર્જન એક અનોખા અંદાજમાં કર્યું હતું.વડોદરાના રોનીત જોશીએ પોતાની યુનિ સાયકલ (એક પૈડાની સાયકલ) ઉપર ગણેશજીને પોતાના નિવાસસ્થાન નાથીબાનગર વિભાગ 2, હરણી રોડ થી એરપોર્ટ થઈ હરણી કૃત્રિમ તળાવ સુધી લગભગ 3 કિલોમીટર સુધી પગ ટેકવ્યા વગર લઈ જઈને વિસર્જન કર્યું હતું.
આમ કરીને રોનીત જોશીએ પોતાના 9મા વર્લ્ડ રેકોર્ડ માટે દાવેદારી નોંધાવી છે. રોનીતના આ અનોખા શ્રી ગણેશજીના વિસર્જનના વર્લ્ડ રેકોર્ડના સૌ પરિવારના સભ્યો અને તેના મિત્રવર્તુળ સાક્ષી બન્યા હતા. એક પૈડાની યુનીક સાઇકલનો ઉપયોગ કરીને રોનીત અગાઉ અલગ અલગ 8 રેકોર્ડ નોંધાવી ચૂક્યો છે.
Reporter: admin
