આણંદ : આણંદ સબજેલમાં ફરજમાં બેદરકારી રાખનારા ચાર પોલીસ કર્મચારીઓને આણંદ પોલીસ અધિક્ષકની સૂચનાથી સસ્પેન્ડ કરી દેવામાં આવ્યા છે.
જિલ્લામાં આવેલી સબ જેલમાં સરપ્રાઈઝ ચેકિંગ કરવામાં આવ્યુ હતું. ત્યારે તા. ૨૭મી જાન્યુઆરી ૨૦૨૫ના રોજ રાતે આણંદ નાયબ પોલીસ અધિક્ષક સહિતની ટીમે આણંદ સબ જેલનું સરપ્રાઈઝ ચેકિંગ કરવામાં આવ્યું હતું. દરમિયાન ત્રણ મહિલાઓ હાજર મળી આવી હતી. તપાસ કરતા મંજૂરી વગર અનઅધિકૃત રીતે આરોપીઓને મળવા માટે પ્રવેશ કર્યો હોવાનું ખૂલ્યું હતું.
જેથી ગંભીર બેદરકારી જણાઈ આવતા જેલગાર્ડ ફરજ ઉપરના આ.હેડ કોન્સ્ટેબલ ભાનુભાઈ અંબાલાલ, અ.હેડ કોન્સ્ટેબલ કમલેશભાઈ નારણભાઈ, અ.પો.કોન્સ્ટેબલ શેતલકુમાર દિનેશભાઈ અને અ.પો. કોન્સ્ટેબલ દક્ષેશકુમાર હિંમતભાઈ ચારેય પોલીસ કર્મચારીઓને આણંદ પોલીસ અધિક્ષકે ફરજ મોકૂફી હેઠળ મૂકી દેવામાં આવ્યા છે.
Reporter: admin
