વડોદરા : શહેરના વાઘોડીયા ડભોઈ રોડ પર આવેલ વડોદરા શહેરના વાઘોડિયા ડભોઇ રીંગ રોડ પર આવેલા ગુરુકુળ ચાર રસ્તા પાસે પાર્ટી પ્લોટમાં ફરાસખાનાના સામાનમાં અચાનક આગનો બનાવ સામે આવ્યો હતો.
આગે વિકરાળ સ્વરૂપ ધારણ કરતા ચાર ફાયર સ્ટેશનની ગાડીઓ ઘટના સ્થળે પહોંચી ભારે જહેમત બાદ આગ પર કાબુ મેળવ્યો હતો.શહેરના વાઘોડિયા ડભોઇ રીંગ રોડ ગુરુકુલ ચાર રસ્તા પાસે આવેલા પંચમ પાર્ટી પ્લોટના ફરાસખાના ગોડાઉનમાં અચાનક આગનો બનાવ સામે અવ્યો હતો.આ બનાવને લઇ ફાયર વિભાગની ટીમ તાત્કાલિક ઘટનાસ્થળે પહોંચી હતી. આગે વિકરાળ સ્વરુપ ધારણ કરતા ફાયર વિભાગના પાણીગેટ, દાંડિયા બજાર, જીઆઇડીસી, ગાજરાવાડી ફાયર સ્ટેશનની ટીમ ઘટનાસ્થળે પોહાચી ભારે જહેમત બાદ આગ પર કાબુ મેળવ્યો હતો.
આ બનાવ અંગે ઇન્ચાર્જ ચીફ ફાયર ઓફિસર નિકુંજ આઝાદ સાથે ટેલીફોનીક વાતચીત કરતા તેઓએ જણાવ્યું હતું કે, આ પાર્ટી પ્લોટનું પોતાનું ફરસખાનું છે જેમાં આગ લાગી હતી. આ ફરસખાનું એક જગ્યાએ સ્ટોર કરેલ હતું. અહીંયાં કોઈ કારણોસર આગ અંગેનો કૉલ મળતાની સાથે જ અહીંયાં 5 ફાયર એન્જિન કામે લાગ્યા હતા. હાલમા આગ કાબુમાં છે અને જાનહાનિ થઈ નથી.
Reporter: admin
