પોલીસે અગાઉ ડ્રોન ઉડાવનાર અક્ષય પરમારનું ડ્રોન કબજે કરી જાહેરનામા ભંગ બદલ ધરપકડ કરી કાર્યવાહી હાથ ધરી હતી...
વડોદરાના સેવાસી અંકોડિયા સ્થિત શિવાય ફાર્મમાં ટેસ્ટ ઓફ વડોદરા નામની ઇવેન્ટ ચાલી રહી છે. ટેસ્ટ ઓફ વડોદરા માં આતશબાજી કરીને પોલીસના જાહેરનામાનો ખુલ્લેઆમ ભંગ કરાયો હતો પણ તાલુકા પોલીસે આયોજકો સામે ગુનો નોંધ્યો ન હતો. જો કે આ વાત ઉચ્ચ પોલીસ અધિકારીઓના ધ્યાને આવતા તાલુકા પોલીસના અધિકારીઓ પર ગાજ ગીરી હતી અને આખરે આતશબાજી કરાઇ હોવાનું જણાતા આયોજક નિકુંજ પારેખ સામે પોલીસે ગુનો નોંધ્યો હતો. પોલીસ ફરિયાદ મુજબ અરજદાર રાજેશ ગોયલની અરજીની તપાસ કરતાં અંકોડી. ગામ પાસે આવેલા શિવાય ફાર્મમાં આયોજકોએ ફટાકડા ફોડીને આતશબાજી કરી હતી અને તેનો વિડીયો પણ રાજેશ ગોયલ પાસેથી મળ્યો હતો. કલેક્ટરના જાહેરનામાનો ભંગ થયેલો હોવાનું જણાતા પોલીસે ટેસ્ટ ઓફ વડોદરાના આયોજક નિકુંજ મુકેશચન્દ્ર પારેખ (રહે, એ 901, એવરેસ્ટ ટ્રીનીટી, ભાઇલી કેનાલ રોડ) સામે મંજૂરી લીધા વગર આતશબાજી કરવા બદલનો ગુનો નોંધ્યો હતો ઉલ્લેખનિય છે કે આ જ કાર્યક્રમમાં અગાઉ પોલીસે ડ્રોન પણ જપ્ત કર્યું હતું અને ડ્રોન ઉડાવનાર અક્ષય પરમારનું ડ્રોન કબજે કરી જાહેરનામા ભંગ બદલ ધરપકડ કરી કાર્યવાહી હાથ ધરી હતી
ટેસ્ટ ઓફ વડોદરામાં સામ સામે મારામારી
ટેસ્ટ ઓફ વડોદરામાં થયેલી તકરારના સમાધાન માટે સુરસાગર તળાવ ખાતે એકત્ર થયા બાદ બંને પક્ષ વચ્ચે છૂટા હાથની મારામારી થતા સામસામી ફરિયાદના આધારે રાવપુરા પોલીસે 14 વિરુદ્ધ ગુનો નોંધાયો છે. નવાપુરા વિસ્તારમાં રહેતો વ્રજ પંચાલ એમએસ યુનિવર્સિટીમાં અભ્યાસ સાથે ગોત્રી ખાતે ટેસ્ટ ઓફ વડોદરામાં પાર્ટ ટાઈમ નોકરી કરે છે. તેણે ફરિયાદ નોંધાવી હતી કે, ગત તા.21 મે ના રોજ ટેસ્ટ ઓફ વડોદરા ખાતે મારો ભાઈ જીત પંચાલ શુઝ પહેરી ફોટો બૂથમાં જતા સાથે નોકરી કરતા જેનીલ સિંદેએ મારા ભાઈને બહાર નીકળવા જણાવતા તકરાર થઈ હતી. જેના સમાધાન માટે મોડીરાત્રે સુરસાગર તળાવના હનુમાનજી મંદિર પાસે પહોંચ્યા હતા. જ્યાં સાથે નોકરી કરતા ભવ્ય તથા અંજેશ, ચેતન સહિતના શખ્સોએ અમારી ઉપર હુમલો કર્યો હતો. જ્યારે સામા પક્ષે બરાનપુરા વિસ્તારમાં રહેતા અને બેંકનું કામકાજ કરતા અંજેશ પટણીએ ફરિયાદ નોંધાવી હતી કે, ઝઘડાના સમાધાન દરમ્યાન હાર્દિક, વ્રજ સહિતના શખ્સોએ અમારી સાથે ઝઘડો કરી ગડદાપાટુનો માર માર્યો હતો. બંને પક્ષની ફરિયાદના આધારે પોલીસે 14 શખ્સો વિરુદ્ધ મારામારી સહિતની કલમો હેઠળ ગુનો નોધી કાયદેસરની કાર્યવાહી હાથ ધરી છે.
Reporter: admin
