વડોદરા: દુમાડમાં છેલ્લા ઘણા સમયથી પેટ્રોલ અને ડીઝલ ચોરીના કૌભાંડનો સ્ટેટ મોનિટરિંગ સેલે પર્દાફાશ કર્યો હતો.
ગઈકાલે સ્ટેટ વિજીલન્સે દુમાડમાં દરોડો પાડી બે ટેન્કર, ચોરીના પેટ્રોલ તેમજ ચોરી માટેના સાધનો સાથે નામચીન મુકેશ ચંડેલ સહિત ચારને ઝડપી પાડ્યા હતા. જ્યારે છ શખ્સો ફરાર થઈ ગયા હતા. આ અંગેની વિગત એવી છે કે દુમાદ સાવલી રોડ પર આવેલ ઠાકોર કાકાના કમ્પાઉન્ડમાં પેટ્રોલ અને ડીઝલ ભરેલી ટેન્કરોના ચાલકો પોતાની ટેન્કરો લઈને ત્યાં આવે છે
અને ટેન્કરોમાંથી પેટ્રોલ તેમજ ડીઝલની ચોરી કર્યા બાદ તેનું ગેરકાયદેસર વેચાણ કરવાનું કૌભાંડ ચાલે છે તેવી બાતમીના આધારે સ્ટેટ વિજિલન્સે ગઈકાલે દરોડો પાડતા પેટ્રોલ ડીઝલની ચોરી કરનારા શખ્સોમાં ભાગદોડ મચી ગઈ હતી.
Reporter: admin
